L' aparato degerente xe l'insieme de le struture co la funsion de processar el magnare buta drento par cavarghe fora i nudrigamenti e i conponenti alimentari miga nudrigativi, come aqua , sali minerali e vitamine , destinai tuti a sostegnere el metabolismo . Sto processo xe graduale, co le difarenti parte del magnare che le vien desconposte manman che le va piu in fondo, fin co che quelo che el poe essare assorbio traverso la parede vien tolto su, mentre quelo che el resta el se zonta a le secresion che le riva in te'l intestin a formare la caga .

I organi che i definisse l'aparato degerente i xe divisi in:

• Canale alimentare , anca dito tubo degerente , forma da:
  • Boca , co la cavita orale
  • Faringe
  • Esofago
  • Stomego
  • Bueo o intestin, diviso in:
    • Intestin tenue
    • Intestin crasso
  • Ano , col canale anale
• Organi acessori , che i xe:
  • Giandole salivari
  • Figa , taca a le vie biliari co la so cistifelea
  • Pancreas

Par trato gastrointestinale o gastroenterico' se intende quel toco del canale degerente forma da esofago, stomego e intestin, de particolare intaresse dei doturi ciamai gastroenterologi .

El canale alimentare xe na strutura par longhi trati elastega e co vari gradi de mobilita respeto ai piani che i ghe sta intorno, par conseguensa del schema de parede, che la se modifega a seconda del singolo organo, ma la mantien costante l'inpostasion definia da quatro strati, che i xe:

• Mucosa , vegnendo dal lume , che el xe la cavita drento al tubo, che la va in contato col contegnuo del'organo e la xe la piu inportante par l'assorbimento de le sostanse. La xe formada da epitelio , lamina propia e muscularis mucosae .
• Sotomucosa , catada soto la muscularis mucosae , la xe de tessudo conetivo lasso e cussi come la lamina propia la contien vasi e nervi, in serte zone anca giandole intramurali.
• Tonega muscolare , forma da tessudo muscolare lisso desposto inte na parte interna trasversale e n'altra esterna longitudinale.
• Tonega aventissia , forma da tessudo conetivo fibroso; inte i organi catai in adome la vien ciamada tonega sierosa co che el peritoneo el gira intorno a la parede del vissere.

El trato degestivo superior, fin a la faringe, la xe de orizene ectodermica , cussi come in fondo el canale anale inte i so do tersi finali. Tuto el resto el deriva dal' endoderma che el carateriza l'intestin primitivo del' enbrion , conpagno al mesoderma che ghe sta intorno. Le giandole esocrine acessorie al canale alimentare (salivari, figa co le vie biliari, pancreas) le salta fora da estroflesion de la mucosa endodermica a vari liveli, propio come che se forma l'aparato respiratorio.

La descrision de la funsion dei singoli organi la poe essare fata par separa; paro tolendo l'aparato tuto conpagno, roba che la vale anca par le singole parte, se individua quatro funsion fondamentali, che le se verifega al stesso tenpo:

• Motilita , che la taca co la mastegassion in boca, la deglutission intra boca e faringe (moviminti mezi volontari spenti da muscolo stria) e la peristalsi , movimento a onda spento dal muscolo lisso che el caratariza l'aparato dal'esofago al'intestin crasso. A la fin, in intra reto e ano, se ga la defecassion, operasion conplessa co conponenti involontarie e volontarie.
• Secression , co vari suchi (salivare, gastrico, enterico, biliare, pancreatico) de deversa conposision chimega e enzimatica.
• Degestion , che la dal nome al'aparato, xe la rotura de le grande molecole del magnare.
• Assorbimento , processo ativo soratuto, ma miga solo, in te'l intestin tenue.

• Wikimedia Commons el detien imajini o altri file so Aparato degerente