El
tenpo coordena universałe
o
tenpo siviłe
, scursa co ła sigla
UTC
(un conprometesto intra l'
ingleze
Coordinated Universal Time
e el
franseze
Temps universel coordonne
[1]
), el ze el
fuzo orario
decidesto cofa referimento globałe, partindo dal cuało i ze calcołai tuti i fuzi orari del mondo. El ze sta stabiłio da l'
Union internasionałe de łe tełecomunegasion
.
El vałore de ła mezura del tenpo inte l'
unita de mezura
UTC
el coinside col vałore esprimesto inte l'unita tenpo medio de Greenwich (
Ora media de Greenwich
, in
ingleze
Greenwich Mean Time
,
acronemo
GMT
), se no che par de łe prosimasion infinitezemałi. La dopara del tenpo mezura in GMT el ze paro fortamente sconseja inte el liveło internasionałe: in pasa el ze sta inte ła baze de ła formasion del tenpo siviłe del
Regno Unio
[2]
El novo nome el ze sta conia par no gaver da mensionare na spesifega locałita inte un standar internasionałe. L'UTC el se baza su mezurasion fazeste da
rełoji atomeghi
al posto che su fenomani cełesti cofa inte el cazo del GMT.
La sigla
UTC
ła deriva dal scursamento
UT
del
tenpo universałe
co ła zonta del sufiso
C
(che signifega "coordena"): in sta magnera sto cua el recorda che se ze drio parlar de l'adosion de un tenpo universałe
comunitario
e par de pi, esendo forma da tre carateri, el se conforma al standar de cuełi altri fuzi orari (ez: CET par
Central Eoropean Time
in Eoropa, EST par
Eastern Standard Time
inte i USA, etc.).
Par colpa de łe osiłasion inte ła vełosita de rotasion de ła
Tera
, debite a łe influense
gravitasionałi
de
Luna
,
Sołe
e de altri pianeti, el GMT el tarda costantemente in confronto al "tenpo atomego" UTC. El tardo el ze mantegnesto drento dei 0,9 secondi, zontando o cavando un secondo a l'UTC a ła fin del meze co serve, convensionalmente inte el
30 de zugno
o inte el
31 de disenbre
. El secondo extra, dizesto
intercałare
, el ze determena da l'
International Earth Rotation and Reference Systems Service
(IERS), bazandose su łe mezurasion de ła rotasion terestre.
El tenpo standar internasionałe UTC el połe esar determena co ła precizion masima solche dopo de l'avegnimento al cuało el se referise, parche ła mezurasion finałe ła se baza su l'oservasion de łe difarense intra vari rełoji atomeghi spandesti in volta par el mondo. Ocuparse de ła zestion del sistema, el ze conpito de l'
Ufiso internasionałe par i pezi e łe mezure
(BIPM). Grupi izołai de rełoji atomeghi i ze isteso sufisenti par na precizion de calche dezena de
nanosecondi
.
L'UTC el ze el tenpo dopara par tanti procedimenti e standar de
Internet
e inte el
World Wide Web
, inte el spesifego el se ciama
Network Time Protocol
.
El
fuzo orario
UTC el ze denomena anca da ła letara 'Z', par fini miłitari, meteorołozeghi e de navigasion aeronavałe sia miłitare sia siviłe.