Da Wikipedia, l'enciclopedia libara.
LibreOffice
el ze un
software
łibaro de produtivita parsonałe multipiataforma prodoto da The Document Foundation, nato dal fork de OpenOffice.org. LibreOffice el ciapa rento na serie de programi par l'ełaborasion de testi, foji de calcoło, prezentasion, grafeghi e dizenji, database e formułe matemateghe e el ze conpatibiłe anca co łe altre suite par ofisio, intra łe cuałe Microsoft Office (ła conpatibiłita col formato OOXML ła ze in progresivo mejoramento). El pacheto el ze desponibiłe in 108 łengue par i sistemi oparadivi
Microsoft Windows
,
macOS
,
GNU/Linux
e
Android
.
El nome el ze otenjesto da ła conpozision in notasion a cameło intra ła paroła Libre (che ła vol dir "łibaro" in spanjoło e franseze) e Office (che ła vol dir "ofisio" in ingreze e franseze).
Ła suite, che ła suporta nativamente el formato de file OpenDocument, ła gode de na bona conpatibiłita co chel'altre suite del setor e ła ze desponibiłe par GNU/Linux, macOS, Microsoft Windows e ła ga calche inplementasion inte i sistemi oparadivi par dispozidivi mobiłi. El so doparo inte łe distribusion GNU/Linux el ze difondesto ase, e par łore A ghe ze anca ła varsion a 64 bit.
The Document Foundation ła produze na nova varsion rełevante (pi release) de LibreOffice onji sie mezi e, eventualmente, ła se łinea col pariodo de distribusion marso/setenbre de altri projeti open source rełevanti.
Ła fondasion, inazonta, ła mantien do varsion difarente de LibreOffice. L'ultema varsion ła ze desponibiłe cofa anteprima de łe nove funsionałita inplementae (na sorta de beta), domente che ła varsion presedente ła se revolze a i utenti che i prefarise ła stabiłita de ła suite.
I conponenti de LibreOffice i ze i stesi de OpenOffice.org, che da cueło A ze deriva:
| Conponente
|
Descrision
|
|
Writer
|
El ze un word processor co funsionałita conpanje e suporto a i file de Microsoft Word e WordPerfect. El ga carataristeghe WYSIWYG progredie, ma el pol anca venjer dopara cofa editor de baze.
|
|
Calc
|
El ze un fojo ełetronego, simiłe a Microsoft Excel o Lotus 1-2-3. El ga un serto numaro de carataristeghe uneghe, infra łe cuałe un sistema che el defenise automategamente ła serie de grafeghi, so ła baze de łe informasion desponibiłe par l'utente.
|
|
Impress
|
El ze un programa par ła creasion de prezentasion multimediałe simiłe a Microsoft Powerpoint. Łe prezentasion łe pol esar esportae cofa file SWF, in modo da poder esar vizuałiza so calsiase computer che el gae instała Adobe Flash.
|
|
Base
|
El ze un programa de creasion e jestion de database, simiłe a Microsoft Access. LibreOffice Base el parmete ła creasion e ła jestion de baze de dati, ła preparasion de mascare e rezoconti che i fornise a i utenti finałi un fasiłe aceso a i dati. Cofa Access, el pol esar dopara cofa front-end par sistemi de database, intra i cuałi database de Access (JET), fonte de dati ODBC e MySQL, Firebird SQL o PostgreSQL
|
|
Draw
|
El ze un programa de grafega vetoriałe e un strumento de diagrami simiłe a Microsoft Visio e paragonabiłe par carataristeghe a łe prime varsion de Corel Draw. El fornise conetori tra łe forme, che łe ze desponibiłi inte na gama de stiłi de łinea par fasiłitar el dizenjo de diagrami de fluso. L'include anca carataristeghe simiłi al software de desktop publishing cofa Microsoft Publisher e Scribus.
|
|
Math
|
El ze un programa par l'ełaborasion de formułe matemateghe. L'aplegasion ła dopara na variante del łenguajo XML par ła creasion de formułe, come defenio inte ła spesifega OpenDocument. 'Ste formułe cua łe pol esar incorporae inte altri documenti de ła suite LibreOffice, cofa cuełi crea da Writer o Calc, metendo rentołe formułe inte el documento.
|
LibreOffice el ga inazonta un creador de PDF incorpora e un strumento de inportasion de file PDF.
Grasie a ła so łisensa LGPL, A ze sta reałiza na varsion portabiłe de LibreOffice.
