Giorgio Panto ( Meolo , Venesia 1° de otobre 1941 - Venesia 26 de novenbre 2006 ) el jera un inprendidor e un omo polidego veneto.

Panto ga scuminsia a far schei co i seramenti. Intel 1978 el ga inpianta a Treviso ła tełevixion Antenna Tre che al di de onco la coverze el Friułi-Venesia Julia e un toco de Trentin-Alto Adexe , Lonbardia e Veneto . In sti ani el ga fato su oncora schei co ła Panto s.p.a. e co TeleAltoVeneto e TeleNordest .

El xe sta inte ła Lega Nord e in zugno 2004 el ga fato el partio Progeto Nordest , che el xe par l'autonomia e xe fora dai do połi. El xe sta candida presidente del Veneto a łe elesion regionali del 2005 , 'ndo che el ga ciapa el 6,0% dei vuti el PNE el ga ciapa el 5,6%, bon pa meter su do consejeri rejonali. A łe elesion połideghe del 2006 el se ga candida al Senato co el steso partio, ciapando el 3%, quando che ghe saria vosuo almanco el 8% par meter su un senador.

A łe elesion ministrative del 2006 , se ga candida par ła Provincia de Treviso .

El so ełicotero xe casca inte ła Laguna de Venesia el 26 de novenbre 2006 , e Panto xe nega.

• Wikimedia Commons el detien imajini o altri file so Giorgio Panto