Sta pajina so Autoritarismo de l'argomento pułitega ła xe stada soło parsialmente o no ła xe mija sta traduxesta  da ła łengua itałiana Te pui contribuir finendo ła tradusion o doparando altre fonti. Dopara el modeło Tradoto da co te ghe finio. Se inte ła pajina de modifega te cati del testo sconto, controła che el sipia ajorna, servendote dei linganbi a łe ≪altre łengue≫ en fondo a ła cołona de sanca.

Par stato autoritario (o xeneralmente autoritarismo ) se intende na entita statałe e/o una forma de goerno andove ła sovranita xe tegnua da on partio ugnolo o da on ditatore . Xe na version modernixada de el asołutismo monarchico . Pure se xe prexente na raprexentansa pułitega, st'ultima ła xe fortemente limitada dal podere del goerno ^[1] .

El ponto fondamentałe de on stato autoritario xe ła prexensa de on cao o ditatore. Sto omo forte consentra su de eło tuti i poderi de el Stato , rivando a confuxionarse co sto qua, e el ciapa ła funsion de guida suprema de ła nasion ^[2] .

Se fa difarensa da el stato autoritario e el stato totałitario parche el podere de l'autorita de goerno nol va drento del tuto inte el tesuo sociałe del Paexe.

Derivasion [ canbia | canbia el codaxe ]

El termine autoritarismo, che deriva da "autorida" , xe sta inventa da la propaganda del rexime fasista par descrivar, in modo poxitivo, el goerno autoridario del Regno d'Italia. Dopo che el rexime l'e sta desfa, el termine ga ciapa un significa anca masa negativo, indegando on abuxo de autorita, e in maniera particular, par dirghe a na "cativa autorita" ^[3] .

Sto abuxo del poder dominante, che volxea al controlo de la popolasion, schisa in maniera inevitabiłe le libarta de la xente. Par sto motivo, unco la parola autoritarismo ga on significa chel pole esar considera el contraro de libarta. La parola "Autoritarismo" la xe formada da raixe latine e signifiga "sistema fonda sol podere o l'abuxo de sto podere". Nome forma da un termine latino: "auctor" che signifega "autore" e tre sufisi: "-itas" dopara par formar nomi; "auctoritas" in latino (lexitimita); sufiso "-aris" dopara par formare ajetivi; da autoritarismo; "-ismum", on sufiso de formasion tarda che se riferise a l'idea de apartegner a on grupo o a on sistema de pensiero (par designare profesion o opinion).

Carateristeghe [ canbia | canbia el codaxe ]

Le carateristeghe prinsipali de el Stato autoritario le xe:

• Abolision de el Stato de dirito dei prinsipi de legalita. L'ativita del podere publego la njien fata al de sora de la lexe e sensa garansie par i sitadini. El Cao e i vertexi del Stato, no i sotosta a nisun organo che i controla, de conseguensa no xe posibiłe algun asertamento de le responsabilita dei vertexi del rexime.
• Limitasion dei diriti de le anime, fondamentali, come la libarta personale, la libarta de parola, la libarta de manifestasion del pensiero e la libarta de stanpa.
• Limitasion del pluralismo pulitego. Njien exersita la represion de calsiasi forma de contrarieta, col divieto de far asociasion o organixasion privae, difarente da chele autorixade in maniera espresa, e la creasion de on partio unico.
• La sopresion de la libarta sindacale.
• La sostitusion dei organi eletivi, co organi de nomena goernativa.
• L'asentramento statale, faxendo n'apara burocratego, fonda so rixidi prinsipi xerarcheghi.

Notasion [ canbia | canbia el codaxe ]

1. ↑ Forme de Stato
2. ↑ Stato autoritario
3. ↑ Giovanni Sartori , La democrazia in 30 lezioni , pag. 40: " Autoritarismo viene da "autorita", ed ze stato coniato dal fascismo come termine apprezzativi, par poi essere rovesciato alla sconfitta del fascismo e del nazismo, par denotare la “cattiva autorita”, e o sia un abuso e un eccesso di autorita che schiacciano le liberta. In tal caso direi che oggi, piu che rappresentare l'opposto di democrazia, il termine autoritarismo sta a significare il contrario di liberta."