Un pianeta nano el xe un corpo celeste de tipo planetario che l'gira torno na steła e che el ga bastansa masa da aver forma sferoidałe, ma che no l'e mia sta bon de "netar fora" ła so zona orbitałe da altri corpi de łe so stese dimension.

Nonostante el nome, un pianeta nano no'l xe mia necesariamente piase picenin de un pianeta e in teoria no ghe xe miga łimiti a łe dimension dei pianiti nani. Intra l'altro ła clase dei pianiti nani no ła fa mia parte de queła dei pianiti, ma łe xe do robe diverse.

Ła definision de pianeta nano ła xe sta introdota uficialmente inte ła nomenclatura astronomica da n'asenblea de l' Union Astronomica Internasionałe el 24 de agosto del 2006, in mezo a un saco de discusion: intra l'altro xe sta nota che ła definision no l'e mia ojetiva (nesun corpo cełeste el pol netar fora ła so zona orbitałe e no gh'e gnanca un łimite obietivo par definir quando che un corpo l'e sferoidałe o no). D'altra banda, na definision de sto tipo de clase qua ła ghe vołea propio, par distinguarla da ła clase dei pianiti tradisionłi, e donca xe probabiłe che el nome el reste. Segue un prospetto dei cinque corpi celesti orbitanti intorno al Sole che attualmente rientrano nella categoria dei pianeti nani ^{[1] [2]} .