Skilleroatsje fon Wulm I.
Wulm I.
(Duutsk:
Wilhelm I.
, *
22. Meerte
1797
as
Wilhelm Friedrich Ludwig von Preußen
in
Berlin
; †
9. Meerte
1888
juust deer)
uut dat Huus
Hohenzollern
waas sant
1858
die
Regent
un sant
1861
Koonich
fon
Pruusen
, fon
1867
oun hiede hie dat Buundesprasidium fon dan
Noudduutske Buund
un leeter, fon
1871
oun waas hie
Duutsken Kaiser
.
In 1829 hilkede hie ap Bedrieuwen fon sin Foar ju Prinsassine
Augusta von Sachsen-Weimar-Eisenach
. Ju Achte skal nit glukkelk weesen haabe, man do bee kreegen two Baidene: Friedrich Wilhelm Nikolaus Karl von Preußen (
1831
?
1888
) (in 1888 foar 99 Deege Kaiser as
Freerk III.
) un
Prinzessin Luise Marie Elisabeth von Preußen
(
1838
?
1923
)
Krounenge foar'n Pruusken Koonich
Wulm koom as twaiden Suun fon dan domoalige pruuske Krounprins un leetere Koonich
Freerk Wulm III.
un sien Wieuwmoanske
Luise von Mecklenburg-Strelitz
tou Waareld. As hie njuugen waas, wuude hie fon sin Foar tou'n
Leutnant
benaamd, man hie wuude in dut Oaler nit as Baidenssuldoat iensat. As hie trattien waas, stoorf sien Maame.
Dat eerste Moal stuude hie mad nit gans soogentien Jiere ap n
27. Februoar
1814
ap n Slachtfaild, dat waas ju
Slacht bie Bar-sur-Aube
in do
Befraiengskriege
, wierfoar hie dat
Iersene Kjuus
in twaide Klasse kreech.
Fon deer oun waas hie noch wakke Moale oun militariske Uutnuursattengen bedeeliged. Toun Biespil hiede hie ne nit gans laige Positsjoon bie ju Deelslooenge fon ju
Duutske Revolutsjoon 1848/1849
, wierfoar hie fon
Max Dortu
dan zyniske Ookelnoome
Kartatschenprinz
kreech.
Daach liberoalisierde hie n bitje, as hie atter dan Dood fon sin Bruur
Freerk Wulm IV.
in
1861
Koonich fon Pruusen wuude.
In
1866
wuude Pruusen uum ferskeedene Meenengen tou dan Stoatus fon Slaaswiek-Holsten un n Ferdraachsbreek ap Wonsk fon Aastriek uut dan
Duutske Buund
uutsleeten. Atters briek die
Duutske Kriech
twiske Aastriek un Pruusen uut, die in dat salge Jier noch mad ne Uurwinnenge fon Pruusen un sien Ferbuundede eendede. Die Duutske Buund unner Aastriekiske Foarheerskup loosede sik ap, Pruusen ferplichtede sik in do
Augustferdraage
tou ju Gruundenge fon dan
Noudduutske Buund
. Die wuude in 1867 konstituierd, ju Pruuske Kroune, also Wulm I., kreech atter ju Ferfoatenge dat Buundesprasidium.
In dan
Duutsk-Frantsooske Kriech
1870
/
1871
uurnoom Wulm dan Bupperbefeel uur aal do Troppen, do in Frankriek ienfallen. Salwen kommandierde hie in ju
Slacht bie Gravelotte
un in ju
Slacht bie Sedan
, juust so fierde hie fon Oktober 1870 bit 1871 fon
Versailles
uut nominell do militariske Operatsjoonen un do politiske Ferhonnelengen uur ju Gruundenge fon dat
Duutske Kaiserriek
.
Otto von Bismarck
spielde hier in Weerhaid oaber ju wichtigere Rulle, wilst sik Wulm I. salwen bloot stuur deerfon uurtjuuge liet, Pruusen in'n Duutsken Nasjonoalstoat apgungen tou laiten.
Ju Uutroupenge fon dan Kaiser ap ne Skilleroatsje fon
Anton von Werner
Noch wilst dan
Duutsk-Frantsooske Kriech
fon
1870
tou
1871
tou waas hie also nit so ienfersteen, uk noch Kaiser tou waiden, man hie wuude dat daach. As dat kloor waas, dat er dat daach waide skuul, waas bit toulaast nit kloor, of hie nu as
"Deutscher Kaiser"
uutruupen waide skuul, so as
Otto von Bismarck
dat toachte, of as
"Kaiser von Deutschland"
, so as hie dat wuul. Bismark sien Formulierenge kloang moor atter Ounsjoon, sien oaine moor atter Moacht. Aan Dai foar ju Uutruupenge truu'ede hie noch mad Amtsferticht. Uumdat me sik nit eenigje kuude, ruup die
badiske
Grootheertoach
Freerk I.
eenfach een Hooch ap
"Kaiser Wilhelm"
uut. Deermad waas die Kaiser nit so goud toufree, man hie noom dat Amt oun. Atter dussen Stried ferdruuch hie sik uk wier mad Bismarck, die as
Riekskansler
fon
1871
bit
1890
tou dat Skiksoal fon dat junge Kaiserriek meebestimde un foar masse kundige Ljuude as wichtiger goolt un noch jalt, as aal do Kaisere in ju Tied. Uk Wilhelm I. roate Seeken fon sik as
"Bismarck ist wichtiger"
un
"Es ist nicht leicht, unter einem solchen Kanzler Kaiser zu sein."
Wulm I. waas oaber uk n popularen Kaiser, uumdat hie sien Amt iedenst noom. Do laaste ferstoundelke Woude, do hie foar sin Dood in
1888
kweeden haabe skal, sunt:
"Ich habe keine Zeit mude zu sein"
.
Stoundbielde
"Ich habe keine Zeit mude zu sein"
fon Michel Lock
Freerk III.
, die laip kankerch inne Strot waas un al nit moor baale kuude, foulgede him ap dan Troon. Hie naamde sik uk as duutsken Kaiser "Freerk III." atter ju Tallenge fon do pruuske Koonige, aaldat er eerste atter ju Tallenge fon do Kaisere fon't
Hillige Roomske Riek
Freerk IV. heete wuul, wier hie oaber atter ne ferfoatengsgjuchtelke Beleerenge truch Bismarck ap fertichtede. Freerk III. stoorf oaber noch in't salge Jier, atters koom
Wulm II.
ap dan Troon. Dat Jier
1888
waas also n Traikaiserjier. Een Duutsk Sproakspil kwad hier
"der greise Kaiser, der weise Kaiser und der Reisekaiser".
Dan Kaiser Wulm I. wuuden uk Toankmoale sat, t.B. een Rieder-Stoundbielde an ju
Duutske Timpe
, een Loundtimpe bie ju Mundenge fon ju
Mosel
in dan
Rhien
, man dat rakt uk uurswakke Toankmoale fon him, toun Biespiel een Stoundbielde mad Angel tou sien Stierwen fon
Michel Lock
. Uk in ju Befoulkenge hiede hie Atter-Ruum, toun Biespil meent die Takst
"Wir wollen unsern alten Kaiser Wilhelm wieder haben..."
ap ne bekoande Marsk-Melodie wail him un nit Wulm II. Daach satte sik dat nit truch, as Wulm II. sin Grootfoar Wulm I. as
"Wilhelm der Große"
beteekende.