Suriname
(ap
Sranantongo
:
Sranan
[sra:?naŋ]) is n Lound in't Noud-Aaste fon
Suud-Amerikoa
. Noudelk deerfon lait die
Atlantik
, aastelk
Frantsoosk-Guayana
, suudelk
Brasilien
un waastelk
Guyana
. Twiske Suriname un Guyana rakt dat n striedich Rebat un twiske Suriname un Frantsoosk-Guayana uk.
Aaldat ju Amtssproake
Niederloundisk
is, wad dat fon minner as n Haaldeel fon ju Befoulkenge alledeege boald.
Wichtiger is as Uumgongssproake
Sranan Tongo
, een surinamiske
Kreolsproake
ju sik touhoopesat uut Angelske, Niederloundske, Portugiesiske Ienfloude un Uurblieuwsele uut afrikoanske Sproaken. Sranan Tongo is nit ju eensige Kreolsproake in Suriname.
In Suriname wad as traad-wichtichste Sproake uk n
karibisk-hindustanisken
Dialekt boald, ne Varietat fon dat
Bhojpuri
, dat mad
indiske
Siedlere deer wai keemen is.
Faare wad Angelsk boalt un dat Portugiesiske wint uk oun Betjuudenge, foar'aaln truch brasilioanske Gouldsaikere, do illegoal in't Lound kuume. Dat rakt noch moor Sproaken, wierfon do maaste ap buutloundske Ienfloude touraachgunge.
Indioaner
-Sproaken rakt dat noch, man jo haabe neen groote Betjuudenge moor.