Emmentaler Sies uut de
Swaits
Sies
wad je moaket fon
Molk
.
Aal atter wo fat me dan Sies haabe wol, wad eerste minner of moor Fat ouroomd. Dan wad
Stramsel
toufoiged, wat je fon
Labbe
(Koolwermoagen) moaked wad. Truch ju Wierkenge fon dat Stramsel skeede sik
Oaiwiete
ou, do der dan as ne tjukke Loage (dan
Wrungel
) ap ju Molk laase. Ju Wrungel wad dan stukken snieden un in n Douk in n Siesfat laid. Dat Sieswoater wat dan fon ju Molk uurblift, hat ju
Woaie
, ju der an dat
Fai
fodderd wad. Daalich kon me deer uk Droanke foar
Moanskene
un sogoar Konstruktionsmaterioal (Casolith) fon moakje.
Ap dat Siesfat kumt dan n Daksel ap un deer wad in ne Siesprasse grooten Druk ap sat, sodat ju laaste Woaie deeruut lapt. Dan atter n poor Uuren wad die Sies uut dat Fat hoald un in n Druugeskap toun druugjen sat. Dan atter ne bestimde Tied, aal atter wo ‘oold’ me dan Sies mai, kumt die uut dat dat Skap un is kloor. Bie Sies toun ferhonneljen kon deer uk noch ne Koarste fon
Woaks
of
Plastik
uumetou kuume.
Atter
Vk220R
(apnuumen uum 1884) un
Ale332R
(1975) wuud in Seelterlound naan Sies moaked. Uut do Fakuutdrukke
Labbe, Stramsel, Wrungel
bie
Minssen
(1845) lat sik oawers ouleede, dat dat Siesmoakjen toumindest in Skaddel bekoand weesen is.
