Rood is ne primare Faawe bie ju additive Faawenmiskenge . Bie ju subtraktive Faawenmiskenge is dat ne sekundare Faawe. Dat is ju komplementare Faawe fon cyan . Dat is ju Faawe mad ju kraftichste Symbolik. Wan ne Sproake uk man aan Noome foar Faawen had, dan is dat altied rood. Ju Faawe rood Lucht sit ap dan Eend fon dat Luchtspektrum , dat noch ieuwen fon dat moanskelke Ooge blouked waide kon. Ju Woogenlaangte fon rood Lucht lait uum 700 Nanometer . Faawen mad laigere Frequenz konnen fon wakke Dierte daach blouked waide. Do naamt me infrarood..

Saadigenge [ Beoarbaidje | beoarbaidje Waltext ]

Soarten fon rood [ Beoarbaidje | beoarbaidje Waltext ]

Benutsenge un Gefoilswaid [ Beoarbaidje | beoarbaidje Waltext ]

Rood is ne Faawe ju der fluks ju Apmaarksoamkaid ap sik lukt. Die Moanske sjucht dat as Teeken fon Gefoor. Deeruum wad rood oafte anwoand in Ferkiersampele un Signoale. Disse Betjuudenge kumt fielicht deerhaar, dat Bloud ne roode Faawe had, (ju Faawe fon) Bloud wad fon Moanske un Dierte instinktiv ferbuunen mad Gefoor.

Symboliske Betjuudengen fon rood hongje hiermad touhoope, dat is ju Faawe fon Dullegaid. Rood wad uk ferbuuenn mad dan Kriechsgod Mars, deeruum is woarskienelk uk die roode Planet Mars dan God waid.

In ju Politik, fielicht al siet je frantsooske Revolution, wad rood bruukt as Faawe fon revolutionare, linke un in algemeenen radikoale Gruppen. So wuud toun Biespil in dan Burgerkriech in Ruslound kamped twiske “do Roode”un “do Wiete”. Ap Gruund deerfon hiet Ruslound unner dan Kooldee Kriech uk wail dat “roode Gefoor”. Uk dat maoistiske China wuude mad ju roode Faawe assozierd, sjuch t.B. dat litje roode Bouk. China wuud oawers as dat “jeele Gefoor”oumoald. Do Foonen fon kommunistiske Lounde sunt uk oafte rood.

In wat swakkere Foarm is rood ju Faawe fon dan Sozialismus in aal sien Varietate, un deer truch uk fon sozioal-demokratiske Paataien as ju SPD. Ju Linke hat dan uk immer “rood”. Apfaalend is, dat in do Fereende Stoaten ju Faawe rood juust anwoand wad foar ju konservative Republikaniske Paatai. Datsalge jalt foar Paraguay, wier do konservative “Colorados” ju Faawe rood, un do wat moor foardeelige “Liberales” ju Faawe blau hontierje.

In ju Boukhooldenge waide roode Faawen bruukt foar negative Taalen, ofwail Skeelden. Die der Skeelde had, is “in do roode Taale”.

In ju katoolske Saarke is rood ju liturgiske Faawe fon do Misgewande in ju Pingstertied, ferwiesend atter do fjuurige Tungen. Uk wad ju Faawe bruukt ap Martyrerfaste un ap stille Fraindai. Ju roode Faawe rakt deerbuppe Waid an dat Amt. So duuren bloot Kardinale dat Kardinalsrood (of Skarloak) dreege. Dat rakt hiere Offerbereitskup an uum hier oaine Bloud tou offerjen foar ju Saarke.

Rood is uk ju Faawe fon de Ljoowe. Ap Valentinsdai rakt dat roode Rousen un roode Haaten.

Moslems faawje hiere Hounde ap bestimde Fiere rood mad Henna.

Puure Schokoloade is maasttied ferpakked in rood Poapier, in Juunsats tou Molkschokoloade, ju der blau ferpakked is. Uk Saddenmolk kumt maasttied in roodee Pakkenge, juunuur Molk (blau) un Joghurt (grain).

In ju Moalerkunst wad rood uk bruukt uum ju Apmaarksoamkaid tou lankjen. Ju Faawe kumt truch dat Faawenperspekttiv in n Skilleroatsje atter foaren ferglieked mad moor naitroale Faawen.

In die elektroniske Faawencode stoant rood foar dan Ziffer 2.

Ferbiendengen atter buuten [ Beoarbaidje | beoarbaidje Waltext ]

• Kuppers' Farbenlehre
• http://www.seilnacht.tuttlingen.com/Lexikon/Rot.htm
• Umfangreiche Arbeit uber die Farbe Rot im Allgemeinen (physikalisch und biologisch), ihre Wirkung usw.
• Farbe des Monats ? Assoziationen zur Farbe Rot

Toun Deel uursat atter Rood un toun Deel atter Rot