Aan Antwurf foar ne seelter Foone bruukt tjo Poapskenbleede as Symbol foar do tjo Taarpe. Ju Foone fon dan Seelter Buund had sogoar soogen deerfon. Do Waastfraisen haabe siet sowat 1890 ne Foone mad soogen Poapskenbleede, do do soogen Seelounde symbolisierje skallen. Do blaue un wiete Boanen sunt dan dat Woater un ju roode Faawe tjut deerap wai, dat do Bleede noch in t Woater uumhooch woakse, also noch jung sunt. Al fuul laanger had ju Provinz Groningen in hiere Woapen two Fjoondel mad Poapskenbleede foar fraiske Uumelounde . Die Gebruuk mout oawers al uut fuul allere Tieden stamme, dan in dat ooldhoochduutske Nibelungelaid wad boald fon "Heer Walter fon Seelounden", die ne Foone mad "Seeblatter" hied.

Ju Ferbiendenge mad Seelterlound lat also modern, man daach rakt et Uumstande, do der uurs wai wiese. In sien Bouk "Saterlands altere Geschichte und Verfassung" beskrift Georg Sello nammelk dat Seelter Siegel, dat hie in Lubeck apfuunen hiede. Deerap sjucht hie ju bekoande Figuur, man in ju Baatergruunde swieuwje litje Dingere (so tou sjoon 12 Stuk), dat kuuden Bloumen weese, man uk Iemen. Ap ju Teekenge deerbie is waald foar Bloumen, man dat waas goud wan dat noch moal in Lubeck atterkieked waide kuude, of dat fielicht daach Poapskenbleede sunt.

• 
  Woapen fon Ait
• 
  Woapen fon dan Loundkring Kloppenbuurich
• 
  Dat Woapen fon ju Provinz Groningen

Woapene uut Tecklenbuurich un dat Uumelound [ Beoarbaidje | beoarbaidje Waltext ]

Noch wat uurs rakt et, dat uk atter Seelterlound waiwiest. Dat is, dat uk ju Staad un Groafskup Tecklenbuurich Poapskenbleede in sien Woapen had. Wie wieten dat Seelterlound tou Tecklenbuurich heerd had, bit dat him 1400 ounuumen wuude. Me kon sik dan foarstaale, dat do Tecklenbuurger Groafen dat Poapskenblaad fierden uum tou wiesen, dat jo oolde Gjuchte in "Fraislound" hieden. Deerfon had uk dat Woapen fon ju seelter Noaberstaad Ait sien two Poapskenbleede. Die Ienfloud fon ju oolde Groafskup Tecklenbuurich sjucht me faare nit bloot in ju Foone un dat Woapen fon dan Loundkring Kloppenbuurich , man uk noch in do Woapene fon dan oolden Loundkring Tecklenbuurich un deeroun do Meenten Ladbergen un Lienen un fon dan naienen Kring Steinfurt un deeroun ju Meente Lotte .

Oolde Woapene [ Beoarbaidje | beoarbaidje Waltext ]

• 
  Woapen fon dan Groaf fon Tecklenbuurich, uum 1200
• 
  Woapen Groafskup Tecklenbuurich atter 1589
• 
  Oolde Loundkring Tecklenbuurich (bit 1974), haard nu tou dan Loundkring Steinfurt

Woapen fon daalich [ Beoarbaidje | beoarbaidje Waltext ]

• 
  Dat Woapen fon ju Staad Tecklenbuurich mad do Poapskenbleede , do n bitje tou Haate ferteekend sunt
• 
  Loundkring Steinfurt
• 
  Meente Lotte

• 
  Meente Ladbergen
• 
  Meente Lienen

Tecklenbuurich un uur Gebiete [ Beoarbaidje | beoarbaidje Waltext ]

Ieuwenske do Ferbiendengen mad do Fraislounde bit tou dat Jier 1400 hieden do Tecklenbuurger Beluukengen mad uur Gebiete un Groafskuppe, so as mad Bentheim un faare atter dat Suude wai. Dat keem truch Hilkerai un Aarwerai. In 1699 sunt do Groafen fon Tecklenbuurich un Bentheim uutstuurwen un dat Aarwe geen atter Solms. Dat kon man uk sjoo aan do oolde Woapene, ap do Woapene fon Solms (Hessen) wiese Poapskenbleede ap Ferbiendengen mad Tecklenbuurich.(Hier laite dat Haate, daach in wakke allere Bielden sunt dat moor Poapskenbleede).

• 
  Woapen Groaf Arnold IV.(1562-1606) fon Bentheim un Steinfurt, 1589
• 
  Solms-Lich-Hohensolms
• 
  Solms-Hohensolms-Lich
• 
  Solms, 1850