Dat Woapen fon Munster
Munster
(dt.
Munster
) is ne kringfraie Staad in dat Noude fon
Noudrhien-Waastfoalen
. Dat is ju Haudstaad fon dat
Regierengsbetsirk Munster
. Munster had 270.868 Ienwoonere (2010) un ne Uurflache fon 302,83 km². Muenster is siet
1915
ne duutske
Groβstadt
. Ju
Universitat fon Munster
is een fon do ooldste Universitate fon Duutsklound.
Dat had dan Bienoome
Waastfoalenmetropole
, wan uk in
Bochum
,
Dortmund
,
Bielefaild
un loange Tied uk
Gelsenkirchen
moor Moanskene woonje. Munster is ju grootste duutske Staad sunner n gauen
Staadboan
of n
Straitenboan
.
Een fon do ooldste Skoulen fon Duutsklound stoant hier, dat
Gymnasium Paulinum
. Froier sunt bolde aal Skoilere fon dat Paulinum Pastoore wuuden, un noch daalich kon me ap disse Skoule
Latien
un
Griechisk
leere. N Attraktion foar do Tuuriste, do der Munster daalich besaike, is die Aalweederzoo, n groot
Diertepark
mad wuulde un exotiske Dierte.
Raidhuus fon Munster
Die Noome
Munster
kumt fon dat
Latienske
monasterium
(Klaaster) un ferwiest ap ju Grundenge fon dat
Bisdum Munster
truch
Korl dan Groote
in dat Jier
793
. Die eerste Biskup waas
Liudger
. In dat
Middeloaler
waas Munster ne bloiende
Hansastaad
.
In dat Jier
1534
ferjoageden
Doopere
dan domoalige Biskup
Franz fon Waldeck
. As jo dan Gewalt deer in Hounde hieden, hiet dat, dat Munster dat naie
Jerusalem
waas. Die naie Fierder fon de Staad,
Jan Matthys
, ferloowede bloot Wierdoopede in Munster tou woonjen; do uur wuuden ferdrieuwen.
Die ferdrieuwene Biskup stoalde ne naie Armee touhoope mad Halpe fon de
Katoolske Saarke
man uk fon
Lutterske
, un beleegerde ju Staad. Binne Munster radikalisierde sik ju Bewaagenge. Ap Eende wuud
Jan van Leiden
dan Fierder un hie stoalde Gemeenskup fon Goidere un
Polygamie
ien. Een Jier leeter (
1535
) fal ju Staad un haabe do biskuppelke Truppen deer grausoam huused. Jan van Leiden wuud waigjucht un an ju Lambertisaarke honget noch altied ju Koowe, wieroun sien Lieke uutstoald wuude.
Die
Free fon Munster
un
Ossenbraach
in dat Jier
1648
moakede fon Munster n uunouhongich Bisdum un deertruch bleeuw dat ganse Gestrich kattoolsk. N uur wichtich Paat fon dan Free fon Munster waas die Eend fon dan
Tachtichjierige Kriech
un ju Anarkannenge fon ju Uunouhongichkaid fon do
Niederlounde
truch
Spoanien
.
In dat Jier
1672
dieden do Munsterske unner Fierenge fon Biskup
Bernhard von Galen
n Ienfal in ju
Republik fon do Soogen Fereende Niederlounde
. In
Groningen
wad noch altied jierelk dan Siech betoacht ap dan Biskup fon Munster (mad dan Bienoome
Bummen Bernd
), mad dan
Groninger Antsats
.
1802
wuud Munster arooberd fon
Pruusen
un tou Haudstaad fon
Waastfoalen
moaked. Truch dan
Rieksdeputationshaudslus
fon dan 25. Februoar 1803 kreech dan die lutterske Hartsoch fon
Ooldenbuurich
dan stoatelke Gewalt uur do Amte
Kloppenbuurich
un
Facht
(dat
Ooldenbuurger Munsterlound
). Deermad waas dan dan Jierhunnerte oolde waardeldske Beend twiske Munster un do Seelter truchsnieden. Man jo bleeuwen kattoolsk!
Unner dan twaide Waareldkriech wuud Munster toun grootsten Deel ferwoisted truch allierde Bombardements, man atter dan Kriech wuud ju Staad in oolden Stiel wier apbaud.
Munster had touhoope mad
Ossenbraach
n oainen Flugplats: Lufthoawen Munster-Ossenbraach.
Wichtige Monumente do der ju Geskichte fon de Staad beskrieuwe, sunt:
- dat leetgotiske Raidhuus uut dat 14. Jierhunnert, wier
1648
dan
Free fon Munster
unnerskrieuwen wuude.
- ju gotiske
Lambertisaarke
uut dat 14. un 15. Jierhunnert.
- die romaanske Doom uut dat 13. Jierhunnert mad monumentoal Binnenwierk un astronomiske Halloosje fon
1542
- ju sonaamde
Uurwoatersaarke
uut dat 14. Jierhunnert.
Blik ap Munster fon dat Suud-waaste in dat Jier 1570