Liliuokalani
(
Honolulu
(
Hawaii
),
2. September
1838
- deer,
11. November
1917
) waas Koonigin un laasten Monarch fon dat
Koonichriek Hawaii
. Ju wuud uk wail
Lydia K. Dominis
naamd.
Ap n 16. September 1862 hilkede ju
John Owen Dominis
, dan Gouverneur fon
O'ahu
un
Maui
. Liliuokalani hieren Bruur, Koonich
Kalakaua
stoorf dan 17. Januar 1891, wierap ju dan 29. Januar dan Thron besteech. Ju fersoachte atter hiere Kroonenge n nai
Gruundgesats
ientoufieren, deeruum dat ju ap dan Moment gultige
Bayonet Constitution
ju Gewalt fon dan Furst gjucht ienskrankede un uk ju politiske Ienfloud fon ienheemske Hawaiianere. Die
Sukkerhonnel
twiske
Hawaii
un do
Fereende Stoaten
waas in Hounden fon ne Gruppe amerikoanske Geskaftsljuude, do der Hawaii sunner Stuts fon ju amerikoanske Regierenge fersoachten ientoudeelen bie do USA uum hieren Honnel tou beskutsjen. In dat Jier 1893 wuud ju Koonigin ousat un ne pro-amerikoanske Regierenge anstoald. Ju Obrigkaid fon do Fereende Stoaten ferkloorde ju Machtsuurnoame foar uungultich un bood Liliuokalani hieren Throon an, as ju aal do Feroantwoudelken foar dan Coup pardonierje wuul. Ju Koonigin liende dat Bod ou weegen ju Gewalt ju anwoand waas bie hiere Ousattenge; Prasident
Grover Cleveland
laide ju Seeke foar an dan
Amerikoanske Kongres
, die der fluks ju
Republik Hawaii
uutruup mad
Sanford Dole
as eerste Stoatsuurhaud.
In n Januar 1895, eenige Deege atter n misglukkeden Stoatsstriek fon
Robert Wilcox
, wuud Liliuokalani faastnuumen ap Fertoacht fon illegoalen Besit fon
Fjuurwoapene
. Atters 1896 wuud ju anlat un liude in dat
Washington Place
bit hieren Dood (truch n
Sleek
) in 1917. Unner hiere Tied in dat Washington Place (un uk eer) skreeuw ju Bouke un Laidere, wierbie He Mele Lahui Hawaii (Nationoalhymne fon Hawaii fon 1866-1876) un dat bekoande
Aloha 'Oe
.
- Lili‘uokalani,
Hawai‘i's Story by Hawai‘i's Queen
(
ISBN 0804810664
)
- Helena G. Allen,
The Betrayal of Lili‘uokalani: Last Queen of Hawai‘i 1838-1917
(
ISBN 0935180893
)