Ersjanisk ( rusk : эрзянь кель erzjan kel ) is een fon do bee Sproaken, do der touhoope mad dat Mokscha tou dat Mordwiniske reekend waide. Dat wad boald fon sowat ne hoolwe Millione Ljuude in dat Waaste fon ju Republik Mordovien un anlaasende Gestriche as Nischni Nowgorod , Tschuwaschien , Pensa , Samara , Saratow , Orenburg , Uljanowsk , Tatarstan un Baschkortostan , aal in dan Foderationskring Wolga .

Ne Foarm fon dat Erzjaniske rakt dat uk in Armenien , Estlound , Kasachstan un uur knu uunouhongich wuudene Lounde in Zentroal-Asien . Dat Erzjaniske wad schrieuwen in ne nit-anpaasede Foarm fon dat ruske kyrilliske Alphabet. In Mordovien is dat ieuwenske dat Ruske ju eepentelke Sproake, man ju Loage is betruued, deeruum dat dat Unnergjucht in Rusk roat wad. Ju Sproake heert tou ju mordwiniske Takke fon do Finnisk-Permiske Sproaken , ne Unnertakke fon do Finnisk-ugriske Sproaken. Erzjani lat ap Mokscha, man is wat uurs in Uutsproake un Woudschat .

Sjuch uk [ Beoarbaidje | beoarbaidje Waltext ]

  Wikipedia ap Ersjanisk