Fadil Kujovska ka lindur me ( 14 shkurt 1951 ) ne Tirane aktor i mirenjohur shqiptar.

Kreu studimet e larta per aktrim ne Institutin e Larte te Arteve dhe me 1974 filloi pune ne Televizionin Shqiptar, me pas me 1975 interpretoi ne Teatrin e Gjirokastres, ndersa nga viti 1978 ishte aktor ne Teatrin Kombetar. Spikati si aktor i planit komik e satirik. Kujovska u dallua vecanerisht per karakterizimin e figurave qe vinin nga shtresat e uleta shoqerore apo rangjet administrative. Me 1978 krijoi shembellimin e figures se njohur te Shvejkut ne komedine e Gjike Kurtiqit "Miq te paftuar", nxitur nga romani i mirenjohur i Hashekut "Ushtari i mire Shvejk". Plastika, gjestet dhe mimika, te perpunuara me shije, krijuan gjasa qe ky rol te veteshprehej si duhej ne epersite e mundshme te te dhenave natyrore te aktorit.

Po ne 1978 interpretoi rolin e Hoxhe Qitapit ne dramen "Besa e Madhe" te M. Markajt. Nje vit me pas luajti me vertetesi rolin e kinezit Shun ne dramen "Furrnalta" te R. Pulahes, me te cilin spikati per shfrytezimin me mprehtesi te dyplanesive, per plastiken shprehese, qendrimin talles dhe sensin humoristik. Me 1982 i dha jete njerit prej roleve te tij me te goditur, atij te Ser Tobit ne komedine "Nata e dymbedhjete" e Shekspirit, duke misheruar tipin e fisnikut pijanec, ithtar epikurian, rremujaxhi, qe i gezohet jetes dhe qejfit me tepri, sikunder qesh e shpotit hidhtas “viktimat” e rangjeve te tij.

Me interpretimin e doktor Adhamudhit ne komedine "Pas Vdekjes" te A. Z. Cajupit (1984) ai arriti te krijoje plot bukuri skenike tipin e pseudointelektualit dhe pseudopatriotit shqiptar, duke shfrytezuar me zgjuarsi elementet tjeteruese dhe kundershtite komike, plastiken shprehese, nje te folur prej megalomania qe e diskreditonte paq krenarine e tij “pseudo”-je. Origjinal dhe i vecante ka qene edhe ne interpretimin e rolit te Pocarit ne dramen "Monsetrati" te Roblese (1985), ate te prefektit Vehip ne komedine "Karnavalet e Korces" te S. Comores nga Teatri Kombetar (2003).

Fadil Kujovska luajti role me trill e fantazi; ishte intuitiv, spontan dhe kishte nur komik. Ka interpretuar edhe ne filma artistike si dhe ne disa filma televizive.Ndahet nga jeta ne Vitin 2014