Familien budde nær Nuneaton, der det i nyare tid er reist ei statue av henne, og deretter i Coventry , og Mary Ann Evans brukte seinare trekk fra desse lokalmiljøa i romanane sine. Som jente fekk ho ikkje høgare utdanning slik ho kunne fatt hadde ho vore gut, men fekk likevel mykje meir enn dei fleste andre jenter. Ho gjekk pa ulike kostskular til ho matte slutte som sekstenaring, og ho matte deretter lese pa eiga hand. Ho lærte likevel fleire sprak som fransk , italiensk , tysk og ogsa latin og har til dømes greske sitat i bøkene sine. Sidan mora døydde tidleg, matte Mary Ann heim og vere husmor for faren, noko som varte til han døydde i 1849 da ho var tretti ar. Ho var som heilt ung paverka av kristne lærarar, men blei snart like sterkt overtydd skeptikar etter mangearig vennskap og samarbeid med radikale fritenkarar bade i Coventry og London .

Det første arbeidet Evans publiserte (bortsett fra eit dikt ), var ei omsetting av ei tysk, rasjonalistisk bok som problematiserte tradisjonell, kristen teologi : The Life of Jesus Critically Examined fra 1846 av David Friedrich Strauss . Han som gav denne ut, John Chapman, sette henne ogsa til a redigere det kjente venstre-orienterte tidsskriftet The Westminster Review , som ho gjorde med stort hell i tre ar. Ho skreiv ogsa bokmeldingar og kom med ei ny, stor omsetting av eit filosofisk verk nokre ar etter, men alt dette arbeidet vart gjort utan at hennar namn vart nemnd. Pa trykk var det Chapman som var redaktøren.

Alle som veit litt om Evans, har høyrt at forfattaren levde i eit livslangt sambuarskap , noko som var høgst uvanleg og slett ikkje akseptert. Det var vel heller ikkje noko ho sjølv ynskte, men det var den einaste maten ho kunne fa George Henry Lewes , som var gift før og ikkje kunne fa skilsmisse . Den tidlegare kona hans levde ogsa saman med ein annan, sa Mary Ann rekna seg heile tida som den eigentlege fru Lewes og brukte namnet som om ho hadde papir pa det.

Mary Ann og George Henry var begge litterære kritikarar og skribentar. Dei samarbeidde og støtta kvarandre heile livet og fekk 24 ar i lag. Dei var ogsa begge velkjende namn i London, men etter at ho gav ut fleire romanar, var det ≪George Eliot≫ som var stor og berømt i heile Europa . Da mannen døydde fra henne, laga Mary Ann ny skandale mellom besteborgarane ved a innga ekteskap (denne gongen gyldig) med den mykje yngre vennen John Walter Cross. Dette varte svært kort tid før ho sjølv døydde, berre 61 ar gamal.

Evans var ikkje berre lokalforfattar, men ogsa i høg grad internasjonalt orientert. Som ugift kvinne reiste ho i Tyskland og Sveits , og seinare saman med mannen gjorde ho mange reiser pa kontinentet der begge arbeidde med bøker og artiklar. Eit av landa ho besøkte mest, ved sida av Tyskland, var Italia , der den eine romanen gar føre seg.

Tittelen Scenes of Clerical Life betyr ≪prestelivs-scener≫, og boka bestar av tre forteljingar om tre prestar og folk rundt dei i den fiktive smabyen Milby. The Sad Fortunes of the Reverend Amos Barton kom først i eit blad og aret etter i bokform saman med dei to andre. Ein av desse, Mr Gilfil’s Love Story , har aldri vore omsett til norsk, medan Janet’s Repentance kom pa norsk i 1896 og Amos Barton i 1919.

Størst inntrykk gjer forteljinga om Janet Dempster, som vert fysisk og psykisk mishandla av sin drukkenbolt av ein mann. Konemishandling er eit uvanleg og uventa tema for den tidas fiksjon, og forteljinga vitnar om kva tilhøve nokre kvinner lever under. Med realisme og psykologisk truverd skildrar forfattaren korleis vald og misbruk bryt ned offeret mentalt, og at det kan vere lite hjelp a fa av samfunnet rundt.

Alt i den første fulle romanen, Adam Bede , viser Evans forfattarhandverk av øvste klasse; boka er stram i struktur og evig aktuell i tematikken. Adam Bede er den trufaste handverkaren som forelskar seg i den vakre Hetty Sorrel, men ho føretrekk godseigarsonen som sjølvsagt sviktar nar det gjeld. Høg sosial status er ingen garanti for høg moralsk integritet, snarare tvert om. Boka gir ogsa eit gripande eksempel pa kor ulike vilkara var for kvinner og menn. Dei gjer det same misgrepet, og det kostar kvinna dyrt, medan mannen beheld sin samfunnsposisjon. Ein annan hovudperson er Dinah Morris, ein kvinneleg metodist predikant i ei tid da dei fleste kyrkjer ikkje slapp kvinner til pa talarstolen. Boka er omsett til norsk to gonger, i tillegg til eit lite utdrag ved Ivar Aasen .

Hovudpersonen i Møllen ved Floss , Maggie Tulliver, har mykje felles med forfattaren som barn og ung. Eit tett søskenforhold blir endra av at søstera tek dei gale vala og oppfører seg skandaløst i andre sine auge, og broren sviktar henne. Ho er ei dotter som prøver a oppna farens fulle kjærleik, eit motiv fra Mary Anns eige liv, og unge Maggie sitt sakn etter større oppgaver og vidare horisontar kjenner vi ogsa att. Etter fleire komplikasjonar i kjærleiksliv og vennskap endar det heile tragisk, men trass alt med forsoning mellom bror og søster. Romanen er omsett til norsk to gonger.

Silas Marner: Vevaren fra Raveloe er ein svært velkomponert, kortare roman om ein bitter handverkar som isolerer seg fra verda etter a ha blitt svikta pa det grovaste av vener og kyrkjesamfunn og blir berga gjennom a adoptere eit lite barn. Den vesle jenta far som vaksen valet mellom sine to familiar, godseigaren eller vevaren, og vel det fattige livet med kjærleik, heller enn status, pengar og privilegium. Denne historia er blitt gjenfortald i mange versjonar og er ei av dei mest populære pa film. Boka er omsett til norsk to gonger, pluss i teikneserieform i Illustrerte Klassikere .

I motsetning til dei andre romanane har ikkje Romola handling fra engelsk 1800-tal, men i staden fra Italia pa 1490-talet. Hovudpersonen, den lærde kvinna Romola de Bardi, er fiktiv, men fleire andre personar er historiske, som dominikanmunken Savonarola, som ho blir inspirert av etter at ekteskapet skuffar henne. Dette er nok i dag ein av dei minst leste av Evans' romanar og har aldri vore omsett til norsk.

Som fleire andre av bøkene er handlinga i Felix Holt lagt til 1830-talet og handlar om den unge medisinstudenten Felix Holt som sjølvproletariserer seg og arbeider som klokkemakar i smabyen Treby. Han blir innblanda i opprør og rettssak og far konkurranse om kjærleiken til Esther Lyon. Igjen inneheld handlinga kontrastar mellom samfunnsklassar og personar som ma velje kva klasse dei vil høyre til.

Middlemarch er ein typisk engelsk smaby rundt 1830, og folkelivet pa godt og vondt far stor plass i boka, sa vel som lokale og nasjonale politiske hendingar. Dorothea Brooke gjer det feilgrepet a gifte seg med presten Edward Causabon, ein pretensiøs og pedantisk mann som aldri blir ferdig med sitt sakalla storverk, ≪Nøkkelen til alle mytologiar≫. Dorothea er intelligent, idealistisk og from og trur dei skal samarbeide om noko stort, men prosjektet blir meir og meir meiningslaust og ektemannen kaldare og kaldare mot henne. Verkeleg kjærleik opplever ho i møte med den jødiske outsideren, Will Ladislaw, og som enke gir ho avkall pa formua for a gifte seg med han.

Romanen blei omsett til norsk aret etter han kom ut, gjekk som føljetong bade i Aftenposten og Bergensposten og vart sa trykt som bok. Sa gjekk det over 120 ar før boka kom i ny norsk utgave i 1995.

Daniel Deronda er eigentleg jøde, men veks opp som engelsk gentleman utan a kjenne røtene sine. Han blir dradd mellom to svært ulike kvinner. Den eine er Gwendolen Harleth, som gambler bade med pengar og med livet sitt og giftar seg med ein rik sadist for a berge familiens økonomi. Den andre er Mirah Lapidoth, som syng sa vakkert, men er djupt ulukkeleg etter a ha mista kontakt med mora og blitt forsøkt seld for pengar av faren. Daniel greier a spore opp dei tapte familiane og finn ny meining i planane om eit eige heimland for a samle undertrykte, forfølgde og forakta jødar. Romanen er aldri blitt omsett til norsk.