Sittemmiru 2008

2007	Abbinimenti du 2008	2009
Jinnaru 2008 \| Frivaru 2008 \| Marzu 2008 \| Aprili 2008 \| Maiu 2008 \| Giugnu 2008 \| Giugnettu 2008 \| Austu 2008 \| Sittemmiru 2008 \| Uttuviru 2008 \| Nuvemmiru 2008 \| Dicemmiru 2008

6 di sittemmiru , sabbatudia

Italia : Accumincia stasira e 20,10, nto canali tilivisivu " RAI Tri", lu novu sciniggiatu di tipu "soap opera" Agroduci , ntiramenti girata 'n Sicilia .

10 di sittemmiru , mercuridia

Ginevra : Lu LHC , lu cchiu granni acciliraturi di particeddi esistenti, fu inauguratu cu na seri di fasci di prutoni fatti furriari nti dui sensi du tunnel, pi mettiri o puntu l'urtimi rigulazzioni pu funziunamentu difinitivu.

Palermu : Lu US Palermu battiu la AS Roma nta secunna jurnata du campiunatu di palluni di seria A . Lu Catania , chi vinciu la simana passata, sta simana persi.

Salsumaggiuri : La mudella acitana Miriam Leone vinciu lu cuncursu nazziunali di Miss Italia. Secunna arrivau n'autra siciliana catanisa , Mariana di Martino; n'autra di Favara e tra li primi cincu e ancora na palermitana e n'autri dui catanisi arrivaru tra li primi deci. Na cosa di chissa nun avia mai succidutu: la Sicilia veni cunfirmata terra di li fimmini beddi.

14 di sittemmiru , dumincadia

Mosca : N' aeriu da cumpagnia russa Aeroflot cadiu nta zona di l' Urali , facennu 88 morti.

Kiev : La culazzioni di cuvernu di Iulia Timoschenko , filu-uccidintali, rassignau li dimissioni o prisidenti Viktor Yuschenko , grapennu accussi na nova crisi di cuvernu.

21 di sittemmiru , dumincadia

Roma : La cumpagnia aeria Alitalia , rischia di falliri siddu nu s'attrova entru picca jorna n'accordu pi la ristrutturazzioni.
Pakistan : Attintatu o Marriott Hotel di Islamabad accapa c'armenu 60 morti.

Pechinu : La Cina mannau nto spazziu la navicedda Shenzou 7 cu tri astronauti. Unu di chisti avissi a nesciri fora pi la prima passiata nto spazziu dumani o passannadumani.

Parma : Nu carusu di 22 anni du Gana addinunziau setti viggili urbani ca, doppu avirilu firmatu a nisciuta da scola, dici lu carusu, ci dettiru corpa e lu nzuttaru dicennucci "niuru lordu" (sporco negro 'n talianu). Li viggili diciunu ca non e veru, ma lu picciottu havi piro n'occhiu pistatu e nto virbali di fermu fattu o cumannu e cunzignatu appoi o giuvini ci fu scrivutu, ammeci du nomu e cugnomu (Emanuel Foster), " Emmanuel negro ".

Pianeta Marti : Supra a Marti casca la nivi . La sonda spazziali Phoenix vitti ca a quarchi quattru chilomitri di unni idda attirrau, ci su nuvula di unni casca la nivi ca, piro, apprima d'agghicarri nto solu di Marti addiventa vapuri.

Viditi puru [ cancia | cancia la surgenti ]