Sarvaturi Bertini ( Palermu 1721 - 16 di dicemmiru 1794 ) fu nu musicista sicilianu .

Biografia [ cancia | cancia la surgenti ]

Accuminzau a studiari la musica cu Pietru Pozzuolu , mastru da Cappella Palatina a Palermu . Passau ottu anni o cunsirvatoriu a Napuli unni s'addiplomau n cumpusizzioni. Nto 1746 fu mmitatu a curti di Pietruburgu , ma prifiriu arriturnarisi n Palermu . Nto 1748 addivintau sustitutu du mastru da Cappella Palatina, ca all'ebbica era Davidi Perez , nzinu a quannu Perez si trasfiriu a Lisbona nto 1752 . Di su mumentu Bertini diriggiu sulu la cappella.

A Palermu, cumpuniu diversi opiri ca foru rapprisintati a Galliria do Palazzu Riali: L'imperi delle Amazoni (1752), Cino e Corsica (1773) e Il Cielo in Giubilo ; cumpuniu puru na sirinata n'unura da riggina. Nto 1778, a morti di Perez, Bertini fu numinatu ufficiarmenti mastru di Cappedda.

Arriturnannu di nu viaggia a napuli Bertini scampau a na timpesta, e fici lu votu di cumponiri sulu musica riliggiusa. tra li cumposizzioni di stupiriudu la Messa di requiem pe funirali di Carlu III (1788), nu Miserere a du' cori pa Sumana Santa e n'autru Miserere a quattru vuci pa Quaresima .

A so morti lassau du' figghi, Natali e Giuseppi , tutti e dui musicisti.

Lijami sterni [ cancia | cancia la surgenti ]

• Dizionario biografico - Treccani.it