Simeuni di Sarausa ( Sarausa , 987 - Triviri , Renania-Palatinatu , 1 di giugnu 1035 ) e un Santu viniratu da Cresia Cattolica .

Aggiografia [ cancia | cancia la surgenti ]

So patri era Grecu e studio a Custantinopuli unni ju all’eta di sett’anni. Canusceva tanti lingui: egizianu, siriacu, arabu, grecu e latinu. Ju in Pilligrinaggiu a Terra Santa e versu lu 1026 era a Gerusalemmi ; stetti comu rimitu vicinu o ciumi Giordanu e a Betlemmi , unni fu fattu jacunu e poi parrinu no Monasteriu da Matri di Diu. Passau comu rimitu vicinu o Mari Russu e poi supra lu Munti Sinai , no Munasteriu di Santa Catarina , unni stetti pi diversi anni. Pi arricogghiri limosini fu a Antiochia , Belgradu , Custantinopuli , Rouen e Verdun . Fu mannatu di l’Abbati na Nurmandia , no Cunti Guglielmu IV di Poitier pi cuntu du Munasteriu. Canusciutu lu viscuvu da Citati di Treviri, certu Puppuni di Babenberg ( +1047 ), fu muratu vivu comu rimitu dintra la Porta Niura da Citati e vissi pi cinc’anni sutta a Regula di Binidittini . Muriu lu 1 Jugnu 1035. Fu fattu Santu du Papa Binidittu IX l’8 Settemmiri 1042. La so cammaredda na Turri da Citati divinto na Cresia e l’Abati Ebruinu scrissi la vita di Simeuni pi ordini du viscuvu Puppuni. La Festa e u 1 Giugnu.

Bibbliografia [ cancia | cancia la surgenti ]

- Dizionariu di Erudizioni storicu- ecclesiastica di Gaetanu Moroni Venezia, 1854