La palora rumanzu veni du termini francisu anticu romanz oppuru roman , ca e nu accurzamentu da lucuzzioni latina romanice loqui , ca significa parrari 'n lingua rumanza , vali a diri na lingua ca addiveni du latinu .

Li primi cosi scrivuti a veniri chiamati "rumanzi" spuntanu nto cuminciari da Littiratura francisa ca ancora nun s'arriniscia a farisi abbidiri bona ammenzu a chiddi di l'autri paisi eurupei ca hannu 'n cumuni la stissa matri lingua, zoe lu latinu.

Lu rumanzu si sparti da nuvella o de cuntura pa lunchizza e macari po megghiu ntrizzamentu de fatta, ca si venunu cuntannu nti tempi cchiu lonchi, vicenni e ambienti cchiu traficusi, cchiossai nummiru di pirsunaggi. Ci sunnu macari rumanzi curti, comu macari ci sunnu cuntura lonchi.