Reykjavik e la capitali d' Islandia e chidda cchiu sittintriunali du munnu ( latitudini: 64° 08' N, assai vicinu o circulu pulari articu a 66° 33' N ). Lu so nomu nta lingua islandisi significa Baia di Fumi , prubbabirmenti pi surgivi d'acqua ca vugghinu.

Chi so 115.000 abbitanti circa, e la citati islandisi cchiu granni e unni campa lu 40% da pupulazzioni di l'isula. S'attrova supra l' Oceanu Atlanticu e 'n particulari nto gulfu Faxafloi.

E sedi du prisidenti da ripubblica, du parlamentu ( Alþingshusið ) e du guvernu. Ci sunnu macari li ammasciati ( Canada , Cina , Danimarca , Finlandia , Francia , Girmania , Giappuni , Nurveggia , Russia , Svezzia , Regnu Unitu e Stati Uniti ) e autri 53 cunsulati.

Ci sunnu assai musei e gallerii d'arti nta citati di Reykjavik. La capitali e macari un museu a celu raputu di statui.

L'ariuportu ntirnazziunali Leifur Eiriksson s'attrova nta citati di Keflavik , a 46 chilomitri da capitali, nta pinisula di Reykjanes . Mentri cchiu vicinu c'e l'ariuportu nazziunali di Reykjavik.

Situ Officiali di l'Azzienda Turistica da Citati di Reykjavik Situ di l'ariuportu ntirnazziunali Leifur Eiriksson di Reykjavik