Mediuevu

Nta na rapprisintazzioni schimatica da Storia d'Europa ca prividi tri eri, classica , mediuevali e muderna , lu Mediuevu (termini cuniatu di Flaviu Biunnu ) e lu piriudu ntirmediu, lu cui nizziu veni cullucatu, pa ntera Europa , nto 476 , zoe nta l'annu ca signa, secunnu na cumminzioni fissata di storici, la fini du Mpiru Rumanu d'Uccidenti. Divirsamenti, la cunchiusioni di st’era veni cullucata ‘n ogni paisi ‘n dati diversi, ca cuincidinu ca nascita di rispittivi munarchii nazziunali e lu piriudu rinascimintali . Na pocu di dati cumunimenti utilizzati sunnu lu 1453 , ca caduta di Custantinopuli ‘n manu e Turchi o la fini da Guerra di Cent'Anni tra Nglaterra e Francia , lu 1492 , ca fini du piriudu islamicu ‘n Spagna e la scummigghiata di Merichi di parti di Cristofuru Culommu , e lu 1517 , ca Riforma prutistanti .

Na suddivisioni cumunimenti utilizzata du mediuevu e tra:

" Autu Mediuevu " (di quarchidunu diciutu di "seculi scuri"), ca va du seculu V o X e e carattirizzatu di cunnizzioni ecunomichi disaggiati e di cuntinui mmasioni di parti di Slavi , Arabbi , Vichinghi e Maggiari ;
" Vasciu Mediuevu ", nu piriudu ntirmediu, ca vidi lu sviluppu di formi di cuvernu basati supra signurii e vassaddaggiu, ca custruzzioni di casteddi e la rinascita da vita nte citati; appoi nu criscenti putiri riali e la rinascita di ntiressi cummirciali, speci doppu la pesti du seculu XIV .

Lu Mediuevu (o mediu evu ) e ddu piriudu storicu chi va da fini du mpiru rumanu d'uccidenti , nto 476 , nzinu a l'annu da scuperta da Merica di parti di Cristofuru Culommu , nto 1492 . Secunnu arcuni, pa civilizzazzioni uccidintali rapprisenta nu longu piriudu di scurantismu, marcatu da dicadenza di l'arti, da littiratura e di scienzi; secunnu autri, mmeci, rapprisenta un piriudu di granni spiritualitati ca figghiau geni di l'arti, comu Giottu e da littiratura, comu Danti Alighieri e tanti autri. Accuminzatu ‘n Europa cu li mmasioni barbari du seculu V , e la nascita e la diffusioni di l' islam lu mediu evu fu carattirizzatu puru di guerri riliggiusi.

Du puntu di vista suciali, doppu lu cullassu du Mpiru Rumanu d'Uccidenti, s’assistiu a na prima fasi ca lutta tra li pupulazzioni du nord e di l'est europeu pa ricustruzzioni a liveddu lucali di l'urganizzazzioni amministrativa, militari, ecunomica e juridica; sta fasi fu appoi siquuta, versu la fini du mediuevu, di na nova fasi d’accintramentu di putiri a liveddu nazziunali. Cruciali ‘n st’urganizzazzioni fu la struttura fiudali ca, siddu dun latu pirmittia na certa stabbilitati grazzi a l'urganizzazzioni cuntinintali du sistema, nun fu mai sufficintimenti forti pi livari cumpritamenti autunumia e rialtati lucali, c’accussi vannu a putiri gestiri la transizzioni tra l'unifurmitati du Mpiru rumanu e la nascita di stati nazziunali .

Na rialtati ‘n gradu di dari unifurmitati o panurama europeu fu la cumuni radica riliggiusa basata supra lu cristianesimu , eriditata/addutata di l'urtimu piriudu rumanu e prusiquuta nzinu o IX seculu ca siparazzioni da Cresia ortudossa da Cresia cattolica nto 1054 . Sta radica cumuni purtau dun latu a na cummistioni tra putiri timpurali e riliggiusu ca pirmittiu di mumenti d’idintitati comu nto casu di cruciati e prusiquiu, nun senza cunfritti, videmma nta Riforma prutistanti .

Filusuficamenti, lu Mediu Evu si carattirizza pi na granni fiducia nta raggiuni umana, ca s’esprimi nta currenti da sculastica , lu cui maiuri spunenti e Tomasi d'Aquinu . La crisi di sta currenti filusofica, cu autura comu Duns Scotu e suprattuttu Gugghiermu d’Occam , signata di na sdirrubbata/sdirrupata di fiducia nta raggiuni e dun cunziquenti criscenti fideismu, purtau a fini du pinzeru mediuevali e a nascita du pinzeru mudernu.

Lu Mediuevu 'n Sicilia e nto sud di l'Italia [ cancia | cancia la surgenti ]

'N Sicilia, doppu ca li barbari foru mannati fora grazzi a spidizzioni militari di Bilisariu , lu putiri fu pigghiatu di lu mpiru bizzantinu , pi na trina di seculi, nzinu a cunquista arabba da Sicilia tra lu 827 e lu 860 . Nto 1091 , doppu na trintina d'anni di cummattimenti, la Sicilia e lu sud di l'Italia passaru nte manu di Nurmanni e appoi, a parti nu piriudu assai curtu duminatu di francisi pa Sicilia, di spagnoli .

Vuci currilati [ cancia | cancia la surgenti ]