L' abbigghiamentu (puru dittu abbillimentu ) pruteggi lu corpu umanu, nudu e vulnirabbili, di piriculi di l' ambienti : sia aggenti attimusferici ( friddu , acqua di celu , suli ...), sia nzetti , sustanzi tossichi, armi e autri risichi a sicurizza pirsunali. Ogni articulu d'abbigghiamentu ci havi midemma un significatu culturali e suciali . L'essiri umani sunnu li suli ntra li mammifiri c'usanu nnumenti, a ccizzioni di l'armali dumestici, a li voti vistuti di so prupitari.

L'abbigghiamentu po essiri studiatu sia d'un puntu di vista antropologgicu - etnograficu , du mumentu ca ducumenta l'evuluzzioni du custumi , sia d'un puntu di vista sociu - economicu comu pruduttu da nnustria tessili , lijatu o sviluppu ticnologgicu , da moda e du cunzumu .

Accissori e aspettu [ cancia | cancia la surgenti ]

Di solitu pu abbigghiamentu si ntenni sclusivamenti dda seri d'uggetti chi quali l'essiri umanu si vesti, e nun prattichi ca cuntribbuiscinu a canciari l'aspettu di nu cristianu. Quinni li casi nte quali si dicora lu propiu corpu (truccu, cusmetici...) o si cancianu carattiristichi fisichi (tagghiu e culurazzioni di capiddi/varva/mustazzi, tatuaggi e piercing), nun custituiscinu abbigghiamentu. E' lu stissu discursu pi l'articuli ca si portanu comu vurzi , paracqua , vastuna ), ditti accissori .

L'omu addimustrau na facurtati di nvintari estrema nta l'attruvari suluzzioni novi d'abbigghiamentu a li bisogni prattici e la distinzioni ntra vistiariu e l'autri articuli prutittivi nun e sempri netta: curazza , custumi di vagnu , tuta di laparu , tuta di motuciclista , ecc.

L'esiggenza estetica [ cancia | cancia la surgenti ]

Cunzisti nta prutizzioni di parti intimi e nun sulu; valurizzannu, nto modu d'appariri, lu cuncettu pirsunali o cullittivu du "beddu". Azzoe nto valurizzari li parti chiu "beddi" du nostru corpu, e a migghiurari chiddi menu beddi o menu apparenti.

Abbigghiamentu comu simmulu suciali [ cancia | cancia la surgenti ]

Li missaggi suciali nviati di l'abbigghiamentu, accissori, dicurazzioni po cuinvorgiri lu rangu suciali, occupazzioni, cunvinzioni riliggiusi e ettinichi, statu civili, ecc. Li cristiani hannu a canusciri lu codici n modu d'arricanusciri lu missaggiu cumunicatu.

Rangu suciali [ cancia | cancia la surgenti ]

Nta tanti sucitati, li cristiani di rangu suciali autu si vestinu cu capi d'abbigghiamentu spiciali. Nte tempura antichi, surtantu li sinatura Rumani putianu aviri vesti tinciuti cu purpura di Tiria.; surtantu capi Hawaiani ponnu vistirisi cu mantelli di piumi e palaoa o denti di balena ntagghiati. Sutta lu regnu Travancore di Kerala ( Innia ), li fimmini di rangu suciali vasciu hannu a paiari na tassa pu drittu di cummigghiari la parti supiriuri du corpu. Nta Cina prima da prucramazzioni da ripubbrica cinisa, sulamenti lu mpiraturi putia vistirisi di giarnu . Nta tanti casi duranti tutta la storia ci foru sistemi elabburati di liggi pi rigulari cu putia vestiri ditirminati abbiti. Nta autri sucitati (cumprisu chiddi chiu muderni), nudda liggi pruibbisci e pirsuni di rangu suciali vasciu d'aviri abbiti di rangu suciali autu, ma lu costu autu nni limmita l'accanzu e la spusizzioni. Nta sucitati muderna occidintali, surtantu li ricchi ponnu pirmittirisi la moda auta. Lu piriculu d'ostracismu suciali po macari limmitari la scigghiuta di l'abbiti.

Occupazzioni [ cancia | cancia la surgenti ]

Li militari, pulizziotti, e pumperi di solitu portanu l'uniformi, comu midemma li travagghiatura nta tanti fabbrichi. Li sculara spissu ci hannu la divisa sculastica, mentri li studenti e scoli supiriuri e univirsitati ponnu vistirisi cu divisi accademichi. L'appartinenti a gruppi riliggiusi ponnu purtari uniformi noti comu lu saiu e tonaca. A li voti un singulu capu di vistiariu o singulu accissoriu po rivilari l'occupazzioni o manzioni da pirsuna ca si vesti cu chiddu; p'asempiu, lu cappeddu di monzu.

Ettinica, pulitica, riliggiuni [ cancia | cancia la surgenti ]

Nta tanti riggiuni du munnu, li custumi nazziunali e li stili di l'abbigghiamentu e adorni rivelanu l'appartinenza a un certu villaggiu, casta , riliggiuni, ecc. Nu scuzzisi ammustra lu so clan tramiti lu so tartan . Li fimmini musurmani ponnu purtari un hijab comu sprissioni da so riliggiuni. N'omu Sikh po, cu vestiri du so turbanti, rivilari la so appartinenza riliggiusa. Nu campagnolu francisi po nnicari lu so villaggiu ca so birritta.

N'abbigghiamentu po nortri esprimiri lu dissenzu di normi culturali e o cunfurmismu, comu puru nnicari nnipinnenza. Nta l' Europa du seculu XIX , artisti e scrittura camapru la "vie de Boheme" e si visteru pi stupiri: George Sand nta abbiti masculini, fimministi cu bloomer , artisti n cilecchi di villutu e foulard appariscenti. Bohemian, beatnik, hippy, goth, punk e skinhead hannu cuntinuatu la tradizzioni nto seculu XX .