Modificare sa majoria de sas paginas de Wikipedia est fatzile. Podes seberare intre duos metodos: *editing classicu tramite wiki markup (wikitext); e VisualEditor (VE), unu sistema nou.

Su VisualEditor est unu sistema user-friendly, chi ti permitit de modificare sas paginas sena depere, in antis, imparare su codighe de origine. Sa ghia pro s'impitadore de VisualEditor tenet ateras informatziones chi li pertocant.

Pro faghere una modifica incarca in s'ischeda Modifica in s'ala superiore de una pagina de Wikipedia opuru in su ligamene biaitu ( [muda] ) a dereta de s'intestatzione de una setzione. Custu t'at a batire a una pagina noa chi cuntenet su cabidu mudabile de sa pagina currente. Su codighe de origine est impreadu in manera ampra in Wikipedia pro elementos che a ligamenes , taulas e colonnas , notas in bassu , tzitatziones in sas linias , carateres ispetziales .

• Duos ambientes de modifica: codighe de origine e VisualEditor
• 
  Ala de modifica chi mustrat su wikitext markup .
• 
  Ischermada chi mustrat su matessi articulu cun VisualEditor . A s'imbesse de su wikitext, su VisualEditor mustrat su testu comente chi siat giai publicadu.

Modificas NO atzetadas

Sa Wikipedia in sardu funtzionat cun sa collaboratzione de totu sos impitadores de ogni ala de sa Sardigna, e s'est detzisu a oe, de cunsiderare curretas sas formas de iscritura cun sas regulas grammaticales adatas de sas grafias campidanesa , logudoresa , nugoresa e de sa LSC (sa grafia standard impreada dae sa RAS ). Pro custas resones, una pagina iscrita in campidanesu non podet essere iscantzellada e torrada a iscriere in un'atera variante, pro esempiu, ca una variante no est megius de s'atera, a patu chi sas paginas siant bastante agiornadas e non siant abbotzos. Si cheres iscriere una pagina cun sa variante tua, ma sa pagina de su matessi argumentu esistit giai, la podes semper creare impreende sos trastos chi ti frunimus. Si, pro esempiu, sa pagina "Nuraghe" esistit giai in LSC, tue nde podes creare un'atera in campidanesu narada "Nuraghe/campidanesu" o "Nuraxi/campidanesu" e ligare s'una a s'atera cun su Template:LSC .

Resumu de sas mudantzias

Frunire unu resumu de sos cambiamentos chi as aportadu est cunsideradu de importu, ca a pustis est prus fatzile pro sos ateros impitadores cumprendere ite as fatu e contribuire issos puru.

Ammustra s'antiprima

In antis de incarcare "Publica sas modificas" est una cosa bona a proare sos cambios e incarcare in subra de "Ammustra s'antiprima". Totu cantos faghimus faddinas, impreare Ammustra s'antiprima in antis de publicare nos agiuat a las acontzare in antis chi calicun'ateru las bidat! Custu agiuat fintzas a non nche prenare sa pagina de s'istoria cun cambios minores.

Sarba sa pagina

As postu unu resumu de sas modificas? As bidu giai comente at a parrere in s'antiprima? Tando se prontu pro incarcare in subra de "Publica sas modificas"!

Petzi sos impitadores chi sunt intrados in su contu issoro (ant fatu su log in ) podent carrigare documentos, e depent tennere unu titulu apropriadu. Sa prima cosa de importu est a essere seguros chi su materiale chi si cheret carrigare non siat protetu dae su deretu de autore. Podes carrigare petzi materiale fatu dae tene, o materiale de ateros ma cun una autorizatzione apropriada. Carrighende su materiale, Wikipedia t'at a ghiare in su protzessu.

Wiki markup

Immagines, sonos e videos podent a beru faghere bellu un'articulu. Unu documentu chi ant giai postu a intro de Wikipedia o de Wikimedia Commons podet essere insertadu cun su codighe " [[File:NUMENEDESUFILE|thumb|DESCRITZIONE]] ". (" Image: " si podet impreare in logu de " File: " chene cambiamentos, non faghet diferentzia.) S'impreu de " thumb " generat una miniatura de un'immagine (su seberu de logu prus comunu), chi in genere est dimensionada in manera diversa dae s'immagine originale. Seberos diferentes podent influire in subra de su logu e in sas dimensiones de un'antiprima e esistent unos ateros metodos pro ponnere sas immagines no in unu formadu de antiprima, a esempiu in una curnisa, tabella o "ricuadru informatziones", chi non tratamus inoghe.

VisualEditor

Incarchende in s'icona "Documentu multimediale" as a aberrere unu menu chi chircat in manera automatica in intro de Wikimedia Commons e de sa wikipedia sarda sos documentos currelados a su titulu de sas pagina chi ses mudende. Podes cambiare sa chirca iscriende carchi atera cosa in su campu de chirca. Pro seberare unu archiviu, incarca in subra de sa miniatura de s'immagine, in manera chi si s'immagine siat posta in sa pagina chi cheres mudare.

A pustis chi s'immagine est istada insertada, un'atera taula de dialogu s'at a aberrere, permitende·ti de agiunghere e modificare sa descritzione de s'immagine. Podes fintzas agiunghere una formatzione e unu ligamene, cando bi serbint.

Sa taula de dialogu ti permitit de agiunghere descritziones alternativas, pro agiudare sos impitadores chi usant letores automaticos o sunt disabiles in carchi manera.

Podes sistemare meda parametros pro s'immagine in sas "Impostatziones avantzadas", che a sas dimensiones, s'alliniamentu ecc.

Cando as agabbadu, incarca in "Aplica is cambios" pro tancare sa taula de dialogu e torrare a sa pagina de sas mudantzias.

In antis de creare una pagina noa dae cara a sos recuisitos de sos riferimentos de Wikipedia . In pagas paraulas, s'argumentu de una pagina si depet podere agatare in ateras fontes esternas , che a libros, giornales, sitos in rede e articulos de chirca iscientifica. Sas informatziones in Wikipedia depent essere verificabiles; si non b'at informatziones de carchi fonte esterna , tando non diat depere tennere una pagina sua. Non fatzas paginas boidas o semi-boidas ca non serbint a nudda. Iscrie su chi podes, cun sos riferimentos, e pone totus sas informatziones rilevantes chi agatas. In antis de creare una pagina noa, abbaida pro praghere si b'esistit giai o si si faeddat giai de cussu argumentu in carchi logu de wikipedia.

Unas cantas paginas sunt amparadas e non si podent mudare. . Custas paginas tenent su butone Abbaida su codighe de origine in logu de Modifica su codighe de origine . Custas paginas podent galu essere modificadas, si depet faghere dimanda a sos impitadores chi las ischint mudare.

Pro proare a faghere modificas chene faghere dannu in sas paginas publicadas, podes impreare una Sandbox . Lu podes faghere iscriende sandbox in su numene, pro esempiu Wikipedia:Tutorial/sandbox