Su telecuntrollu est unu dispositivu eletronigu chi permitit de imbiare (peroe no de retzire) sinzales a un'ateru dispositivu postu a tesu. Su telecuntrollu, in zenerale, est un'ozetu de dimensiones minores alimentadu peri bateria, cuntzibidu pro esser bardadu azuventadamente in una manu, o in onzi manera trasportadu fazirmente dae unu logu a un'ateru sena bisonzu de iscostiare su dispositivu telecuntrolladu.

Atuarmente, sas funtziones de sos telecuntrollos sunt murtipras e pertocant sos dominios prus bariados: s'impreu domulanu prus comunu est relassionadu cun sa reghidura de sas funtziones de sos telebisores o de aparitzos de arta fidelidade, peroe finas cun s'abertura e cunzadura de zannas e zagas, gasi che a su cuntrollu de sistemas de allugadura. Unu dominiu in ue su telecuntrollu est impreadu avesarmente est su modellismu e diferentes ateras aprigaduras sunt possibiles in numerosas atividades.