Dae Wikipedia, s'entziclopedia libera.
Coordinadas
:
18°08′S
178°26′E
/
18.133333°S 178.433333°E
-18.133333; 178.433333
Articulu in
LSC
Mapa de sas Figi cun inditada sa posidura de Suva
Suva
est sa capitale de sas isulas
Figi
. S'agatat in sa costera sud-orientale de s'isula de
Viti Levu
. Tenet una populatzione de 200.000 bividores segundu s'istima de su 2005 chi nde faghent su tzentru prus mannu de su
Patzificu Sud
, fracas s'
Australia
e sa
Noa Zelanda
. Bi bivet unu misturu de etnias (figianos, indianos, tzinesos, tongalesos, samoans, de Salomo, micronesis, europeos, creolos...).
In sa tzitade e intorinos b'ant cresias cristianas, templos indu e sikh, moscheas musulmanas e fintzas unu campusantu
giudeu
abbandonadu. Suva fiat fata capitale de sas Figi in su 1877. Su fabricu prus artu de sas Figi, su de s'Reserve Bank of Figi, tenet sa sede in Suva. S'intretzant puru su mercadu munitzipale, sa Domo comunale antiga, s'Albert Park, su Grand Pacific Albergo e sos Thurston Gardens, in ue s'agatat su Museu de sas Figi. S'Iscola de Meighina de sas Figi e unu de sos tres campus de s'
Universidade de su Patzificu Sud
(University of the South Pacific) sunt in Suva. Tenet un'aeroportu internatzionale, mancari s'aeroportu figianu prus importante s'agatat a
Nadi
.
