Custu articulu est iscritu cun sa grafia Limba Sarda Comuna . Abbaida sas ateras bariedades graficas:

campidanesu · logudoresu · nugoresu

Sa Rivolutzione de Tunisia ^{[1] [2]} o Rivolutzione de is giasminos , ^[3] est una nera de protestas acontessidas in tzitades medas de Tunisia intre su mese de nadale de su 2010 e su 2011 in su cuntestu de is Beranos arabos , e chi ant portadu a s'esiliu de su presidente Zine El-Abidine Ben Ali (in carriga dae su 1987 ). Is tunisinos preferent sa denumenatzione Rivolutzione de sa dinnidade pro calificare sos acontessimentos de su 2010-2011. ^[4]

Tzocadas dae sa bidda de Sidi Bouzid , dae chi su numene originale de ≪ abolotu de Sidi Bouzid ≫ (???? ???? ?????) o de≪ intifada de Sidi Bouzid≫, ^{[5] [6]} custas manifestatziones fiant atuadas protestende contra de su disimpreu chi tocaiat una fita manna de is giovanos, in piessignu de is giovanos diplomados, sa corrutzione e sa repressione de sa politzia. Fiant inghitzadas su 17 de nadale de su 2010, a fatu de s'immolatzione ponende·si fogu de unu pitzocu de 26 annos bendidore ambulante de fruta e birdura in Sidi Bouzid , Mohamed Bouazizi , sa cale mercantzia fiat istada cunfiscada dae is autoridades. ^[7]

Cun totu ca fiat istada atuada sa repressione, in bator chidas is manifestatzione si fiant isparghinadas in totu su paisu, provochende sa fuida de Ben Ali a Arabia Saudita su 14 de ghennargiu de su 2011 . Su cussigiu costitutzionale aiat tando desinniadu su presidente de sa Cambara de is deputados, Fouad Mebazaa , che a presidente de sa Republica a interim in virtude de l'articulu 57 de la Costitutzione de 1959 . ^[8] Custu rolu e sa formatzione de unu guvernu nou ghiadu dae su primu ministru in essida Mohamed Ghannouchi no aiant paradu sa crisi; su controllu de oto ministerios a banda de su partidu de Ben Ali, s' Agrupamentu costitutzionale democraticu (RCD), fiat cuntestadu dae s'opositzione e dae is manifestatziones. Su segundu guvernu Ghannouchi fiat duradu isceti dae su 27 de ghennargiu 2011 a su 27 freargiu 2011: sa pressione populare e sindacale pro otennere unu cambiu prus cumpridu possibile e is violentzias sighidas aiat ispintu a sa nomina de unu guvernu nou ghiadu dae Beji Caid Essebsi e a s'isfaghimentu de su RCD su 9 de martzu.

Su 23 de santugaine de su 2011 , si fiant tzelebradas infines is primas eletziones democraticas in s'istoria de s'istadu, assumende una Assemblea Natzionale Costituente, e incomintzende sa trasida de sa Tunisia a sa democratzia. Atualmente in Tunisia sighit sa crisi economica (cun bases pretzedentes a sa rivolutzione) e su protzessu de democratizatzione est galu in atu, nointames s'istadu rapresentat s'unicu esempru positivu de trasida a sa democratzia intre is beranos arabos. ^[9]

Is gherras durante sa rivolutzione ant fatu 338 ochidos et 2.174 feridos. ^[10]

Riferimentos [ modifica | modifica su codighe de origine ]

1. ↑ "Ningu pot apropiar-se de la revolucio tunisiana" , in ara.cat .
2. ↑ Acudits de la revolucio tunisiana , in ccma.cat .
3. ↑ Es trenca l'acord per arribar a un govern d'unitat que supervisi la transicio politica fins a les eleccions , in ara.cat .
4. ↑ En remontant la Revolution , in letemps.ch . URL consultadu su 4 maju 2021 (archiviadu dae s' url originale su 4 maju 2021) .
5. ↑ "Sidi Bouzid, mon amour" , in nouvelobs.com .
6. ↑ La generation Facebook plus forte que Ben Ali , in slate.fr .
7. ↑ Joy as Tunisian President Flees Offers Lesson to Arab Leaders , in nytimes.com .
8. ↑ Constitution de la Republique Tunisienne 1959 , in jurisitetunisie.com .
9. ↑ E la democrazia la risorsa strategica della Tunisia , in limesonline.com .
10. ↑ Tunisie : 338 morts et 2174 blesses, bilan officiel mais pas definitif. , in africanmanager.com .

Ateros progetos [ modifica | modifica su codighe de origine ]

Wikimedia Commons tenet files chi ligant a: Rivolutzione de Tunisia