Pasqua Selis-Zau ( Nugoro , 16 lampadas 1808 ? Nugoro , 30 ghennargiu 1882) est istada una rivolutzionaria sarda . Connota fintzas comente Paska , Paschedda o Paskedda Zau , est intrada in s' Istoria de Sardigna pro aere ghiadu in su 1868 sa rebellia de Su Connotu , chi pigat su numene dae su cumbidu "Torramus a su connotu", contra a sa detzisione de su cussigiu comunale de bendere is terrinos de su demaniu, fintzas a cussu momentu de impreu publicu, pro pagare sa costrutzione de sa ferrovia. ^{[1] [2]}

Biografia [ modifica | modifica su codighe de origine ]

Pasqua Selis-Zau est naschida in Nugoro dae Sebastiano Selis e Elena Mele. Su 10 de su mese de ledamine 1828 s'est cojuada cun Salvatore Valerio Guiso e dae issu at tentu 10 figios. A pustis de sa morte de su pobiddu in su 1856, at bividu in poberesa fintzas a su 1882, cando est morta in localidade Sa conza de Nugoro. ^[3]

Su Connotu [ modifica | modifica su codighe de origine ]

Is Savoja aiant incumentzadu in su 1820 sa privatizatzione de is terrinos comunales, cun su Editto delle chiudende pro pagare s'arribu in Sardigna de sa ferrovia. In Barbagia e Ogiastra sa gente si fiat bortada contra a custa lege, ca s'impreu de is terrinos abertos fiat pro medas famillias s'unica manera de balangiare pro bivere.

Su mangianu de su 26 abrile de su 1868, in Nugoro a s'essida dae sa missa, Paschedda Zau in paris cun sa figia Tonia aiat incumentzadu a tzarrare a is feminas de sa bidda chi comente issa sufriant su famene pro neghe de una carestia e non podiant ponnere aficu a is resursas de is terrinos de su demaniu chi fiant istados serrados pro ddos bendere, impuntzende·ddas a si rebellare. A sa berchida "Torramus a su connotu", chi at dadu su numene a sa rebellia, sa truma at iscutuladu sa ghenna de sa sea de sa comuna, Domo Martoni, leadu is armas de sa Guardia Natzionale e postu fogu a is documentos de s'istadu tzivile e de is progetos de sa lotizatzione de is terrinos. ^{[1] [4] [5] [6]}

Sa rebellia est acabada cun s'arrestu de 69 rebelles dae is Carabineris , ma s'interventu de su deputadu Giorgio Asproni ddis at fatu otennere s'amnistia. ^[2]

Dedica [ modifica | modifica su codighe de origine ]

Sa tzitade de Nugoro at dedicadu una pratza a sa memoria de Pasca Selis Zau, in antis de Domo Martoni. ^[7]

Notas [ modifica | modifica su codighe de origine ]

1. ↑ ^{1.0 1.1} Sarvadore Serra, Nugoro 1868, sa rebellia de Su Connotu , in Limba Sarda 2.0 . URL consultadu su 2 maju 2020 .
2. ↑ ^{2.0 2.1} ( IT ) Paska Zau e i Moti "de Su Connottu" , in Cronache Nuoresi , 2 santugaine 2016. URL consultadu su 2 maju 2020 .
3. ↑ ( IT ) Una rivoluzionaria come Marianne , in La Nuova Sardegna , 28 martzu 2018. URL consultadu su 2 maju 2020 .
4. ↑ ( IT ) Democrazia Oggi - Paska Selis Zau, la popolana de Su connottu , in democraziaoggi.it . URL consultadu su 2 maju 2020 .
5. ↑ ( IT ) “Torramusu a su connottu”, Nuoro celebra il grido rivoluzionario di Paschedda Zau ^{[ ligamene interrumpidu ]} , in Santa Teresa Gallura , 25 abrile 2018. URL consultadu su 2 maju 2020 .
6. ↑ ( IT ) Francesco Casula, Paskedda Zau: torramus a su Connotu , in Il Manifesto Sardo , 1º martzu 2020. URL consultadu su 2 maju 2020 .
7. ↑ ( IT ) Piazza Paskedda Zau: omaggio all’eroina del comunitarismo ^{[ ligamene interrumpidu ]} , in La Nuova Sardegna , 6 maju 2019. URL consultadu su 2 maju 2020 .

Bibliografia [ modifica | modifica su codighe de origine ]

• ( IT ) Omar Onnis e Manuelle Mureddu, Illustres. Vita, morte e miracoli di quaranta personalita sarde , Sestu, Domus de Janas, 2019, ISBN   978-88-97084-90-7 , OCLC   1124656644 . URL consultadu su 6 nadale 2019 .