Michelangelo Pira , connotu in sardu che Mialinu Pira ( Vitzi , 26 martzu 1928 ? Cuartu Sant'Aleni , 5 lampadas 1980), giornalista, antropologu e iscritore italianos , est istadu unu istudiosu de sa limba sarda e de is problemas chi dda pertocant.

Biografia [ modifica | modifica su codighe de origine ]

Est naschidu in Vitzi , in provintzia de Nugoro , in una famillia de pastores. A pustis de unos annos, galu meda pitzocheddu e a fatu chi sa mama est morta, s'at tramudadu a Oscheri in ue su babbu paschiat sas arbeghes. At fatu s' aviamentu e su litzeu calssicu in Tatari .

A pustis de sa laurea in literas, Mialinu Pira at sighidu a partire de sos annos 70 e fintzas a sa morte, s'atividade giornalistica, fintzas che incarrigadu in s'ufitziu imprenta de s'amministratzione regionale de sa Sardigna . Cunsideradu unu esponente sui generis de s' iscola antropologica de Casteddu , at insingadu antropologia culturale e istoria de su giornalismu in sa facultade de Sientzias Politicas de s' Universidade de Casteddu . Impressionadu dae is istudios de Antonio Pigliaru e Antonio Gramsci , at articuladu sa pensada sua subra sos temas de sa limba e de sa cultura cun particulare riferimentu a su cuntestu de sa Sardigna de sa segunda mitade de su noeghentos. In su 1968 at isvilupadu, in Sardegna tra due lingue , una analisi originale de is problemas sotziu-linguisticos de sa Sardigna, acarende sa chistione de su perigulu de s' isperdere pro su sardu, che cusseguentzia de su disausu.

Pro sa de tres retzas televisivas de sa RAI s'at incuradu de unu reportage subra unas bisuras antropologicas de sa provintzia de Nugoro . Est autore de La rivolta dell'oggetto , imbentariu de is problemas de sa Sardigna in su momentu de sa trasidura dae una sotziedade agro-pastorale a sa moderna de sos consumos e de sas bisuras noas subra s'identidade de su populu sardu .

Cun La rivolta dell'oggetto , essidu in su 1978 , Mialinu Pira at acaradu sa chistione de s'identidade, furriende su relatu de dipendentzia de in su cale s'agataiat sugeta sa cultura sarda; a parrere suo fiat possibile unu isvilupu alternativu de s'organizatzione sotziale e educativa in ue, isperdidu s'istadu, sa sotziedade si faghiat base de una educatzione continuada.

At collaboradu cun sa revista ≪Ichnusa≫ e ateros periodicos. Est mortu de unu improntu in Marina di Capitana , fratzione de Cuartu .

A issu sunt titulados:

• su "Litzeu Sientificu Michelangelo Pira" in sa bidda sua nadia Vitzi ;
• sa sala de lettura "Michelangelo Pira" de sa domo de s'istudiante de s' Ersu , in sa ruga Trentinu in Cagliari ;
• sos Tenores de Vitzi "Mialinu Pira" , grupu de cantu a tenore de Vitzi e totu;
• sa sala de atobios de ruga Brigata Sassari de Cuartu Sant'Aleni , in ue est mortu e istant is ispogias suas.

Oberas [ modifica | modifica su codighe de origine ]

• Sardegna tra due lingue , Casteddu, La Zattera 1968
• La rivolta dell'oggetto. Antropologia della Sardegna , Giuffre, Milanu, 1978
• Paska Devaddis, per un teatro dei sardi , Editziones della Torre, 1981
• Sos Sinnos , Editziones della Torre, 1983
• Isalle , AM&D Editziones, 1996
• Il Villaggio elettronico , 1997

Bibliografia [ modifica | modifica su codighe de origine ]

• Giulio Angioni et al. (a incuru de Felice Tiragallo), La ragione dell'utopia. Omaggio a Michelangelo Pira , Milanu, A. Giuffre , 1984 [SBN =IT\ICCU\SBL\0604566]
• Francesco Casula, Letteratura e civilta della Sardegna , vol. I, Patiolla, Grafica del Parteolla, 2011, pp. 214-224.

Ligamenes a foras [ modifica | modifica su codighe de origine ]

• Informatziones subra Michelangelo Pira "Mialinu Pira"
• "Visti da fuori - Michelangelo Pira " Documentariu RAI Archiviadu su 3 martzu 2016 in s' Internet Archive .
• Enrico Putzolu, LOGOS DE LOGU 2020 10PUNTATA , in YouTube , TCS - Tele Costa Smeralda, a 20 min 30 s. (in s'urtima parte de sa puntada Frantziscu Casula chistionat de Mialinu Pira)