Dae Wikipedia, s'entziclopedia libera.
Sa
Liga Nord pro s'Indipendentzia de sa
Padania
, prus connotta cun su nomine in curtzu
Liga Nord
, est unu partidu politicu
italianu
chi fit naschidu dae s'aunimentu de ses movimentos autonomistas de s'
Italia de susu
e de
tzentru
:
Lega Lombarda
,
Liga Veneta
,
Piemont Autonomista
,
Union Ligure
,
Lega Emiliano-Romagnola
e
Alleanza Toscana
.
Su nomine chi tenet como su partidu lu aian isseperadu in su 1997; cussu chi teniat a primu, dae su 1995 a su 1997, fit imbetzes
Lega Nord Italia Federale
.
Su partidu, chi sos zornalistas muttin su
Carroccio
, est attivu mescamente in Italia de susu, comente si bi podet immaginare, ma tenet sea fintzas in carchi rezone tzentrale e in
Sardigna
puru.
Fundadore e segretarju federale pro una bintina de annos est istadu Umberto Bossi, chi dae su 5 de aprile de su 2013 est divennidu presidente federale a bida. In su 2012, a Bossi sichit Roberto Maroni pro sa ghia de su partidu. Dae su 15 de Nadale de su 2013, segretarju est Matteo Salvini.
Sa Liga Nord est una truma politica conotta meda, non petzi in Italia ma in
Europa
intrega, pro esser unu partidu populista de dresta istrema cun bideas meda xenofobas e ratzistas, chi cando fit federalista e indipendentista ziraian in tundu a sos de s'
Italia de giosso
, como chi est divennidu natzionalista italianu a sos accudidos extra-europeos.