Dae Wikipedia, s'entziclopedia libera.
Articulu in
LSC
Simbulu de su KKK
Membros de su KKK ponende fogu a una rughe
Ku Klux Klan
(
KKK
), est su numene de tres movimentos iscerados de is
Istados Unidos d'America
.
Su primu giogaiat rolu rebestu contra is
afro-americanos
de su
sud
in tempus de sa recostrutzione sighida a sa
gherra de setzessione
, duncas in is annos 60 de su de 19 seculos. Fiat iscontzadu in su 1869.
Su segundu fiat una organizatzione meda ispainada e manna formada in is annos 20 de su de 20 seculos.
Atualmente cunsistit de grupos minores ma numerosos no acapiados s'unu a s'ateru chi impitant numene de KKK. Sunt caraterizados pro segretesa e costumenes dislindados. Sunt totus votados a sa causa de s'incresiada de sa sotziedade
americana
e comunemente cunsiderados de bideas politicas de dereta. In su 2012 si carculat chi nde fatzant parte unu numeru de pessones intre is 5.000 e is 8.000.
Su primu Ku Klux Klan s'est movidu in is
Istados Unidos meridionales
a partire de sa fine de is annos 1860 fintzas a primitziu de is 1870. Is membros faghiant a solos costumenes, medas bortas colorados, cumpostos de una bestimenta, fachile e capeddu a forma de conu, fatu a s'amposta pro parrere ispantosos, istremorosos e craramente pro cuare s'identidade.
Su segundu KKK, de is annos 1920, aiat adotadu costumenes pretzisos, de colore biancu, e si serbiat de codighes de faeddos comente puru su primu Klan. Faghiant paradas e teniant impositu de ponnere fogu a rughes de linna.
Su de tres s'est isvilupadu a fatu de sa
segunda gherra mundiale
e teniat proponimentu de s'oponnere a is movimentos pro is deretos tziviles de is minorias. Custu, comente su segundu KKK, faghiat riferimentu a su sambene
anglo-sassonu
chi a parrere issoro teniant is americanos de ratza ischeta. Mancari gasi totu is membros si decraraiant
cristianos
devotos, si podet narrere chi totu is organizatziones religiosas fiant contrarias a issos.