Articulu in
LSC
Jethro Tull
est unu gruppu
rock
originariu de
Blackpool
, in su
Rennu Auniadu
, fundau dae su
scotzesu
Ian Anderson
(
pifferu travessu
e
polistrumentista
).
Sa band pigara su nomini dae su pioneri de s'agricurtura moderna,
Jethro Tull
(1674-1741).
S'issoro musica est contraddistinta dae sa presentzia dominante de su flautu traessu, sonadu dae su virtuosu leader Ian Anderson. A pustis de un'esordiu a s'insegna de su richiamu a su blues, sos Jethro Tull ant rugradu s'istoria de su rock, isperimentende varas generas; dae su folk rock a s'hard rock, dae su rock progressivu a sa musica classica. Ant bendidu prus de 60 milliones de albums in totu su mundu.
In su mese de abrile 2014 Anderson at decraradu chi sos Jethro Tull comente a bandas no esistent prus e sa voluntade de lassare s'eredade de su numene sighende sa carriera solista sua. Nointames, in su cabudanni 2017, Ian Anderson at annuntziadu sa torrada de su grupu in sas iscenas, pro tzelebrare su de chimbanta annos de atividade in su 2018, cun unu giru e unu nou album.
In comintzu sa band, capitanada siat dae Ian Anderson chi dae su chitarrista
Mick Abrahams
, fiat in manera sustantziale orientada cara a su blues. A pustis de s'essere ammustrados in carchi tzirculu londinesu cun numenes diferentes, ant detzididu de adotare "Jethro Tull" in riferimentu a s'omonimu agronomu britannicu bividu in su de degheoto seculos. Nointames s'issoro singulu de imbucada Sunshine Day est bennidu erroneamente distribuidu a numene "Jethro Toe".
Su primu album issoro, This Was (1968), at postu in fila una serie de petzos rock-blues intra sos cales ispicat
Song for Jeffrey
in cantu, cun probabilidade, sa prus serente a s'istile chi sa banda diat aere pigadu in sos annos imbenientes.
In su grupu s'at abertu dereta una discussione in sa diretzione de pigare: at prevalidu Ian Anderson e Mick Abrahams est essidu dae sa formatzione andende a fundare sos Blodwyn Pig cun sos cales at sighidu su propiu caminu in su British blues.
Sos Jethro Tull, dae inoghe in posca, si sunt incaminados in unu percursu chi cunsiderat in su matessi tempus bator istiles chi, cun echilibrios diversos in sas varias fases de sa longa vida issoro, faghet a los individuare in sa musica folk, in sa musica jazz, in sa musica classica, e ancora su blues, chi restat comente si siat in sos ingredientes de sa produtzione issoro. In cussu periodu at militadu in sa formatzione pro unu breve periodu fintzas
Tony Iommi
, chitarrista de sos
Black Sabbath
, in antis de s'arribu de su benidore cumpangiu de longu tempus de sos Jethro Tull, su chitarrista Martin Lancelot Barras.
Membros de sos Jethro Tull in s'istoria de su grupu