Dae Wikipedia, s'entziclopedia libera.
Istadu satellite
est un'agetivu peorativu chi si dat in
politica internatzionale
a cale si siat Istadu chi, mancari numenalmente indipendente e reconnotu dae ateros istados pares, in sa pratica s'agatat sugetu a su dominiu
politicu
o
ideologicu
de un'ateru, in generale una
potentzia
. Paris a su chi acontesset cun tremenes simigiantes comente
Istadu buatone
, sa catalogatzione de un'Istadu comente
satellite
est cunsiderada partidista e propia de sos isfamadores de is guvernos chi ddos ghiant.
Su tremene, analogia de is
corpos tzelestes
chi orbitant a rodiu de unu prus mannu, fiat istadu a conimintzu primas usadu dae s'imprenta otzidentale pro si referrere a is paisos de su
Patu de Varsavia
pro sa relatzione istrinta issoro cun s'
Unione Sovietica
durante sa
Gherra Frida
. Ateros Istados sotzialistas, comente
Corea de su Norte
(susetotus a pustis de sa
Gherra de Corea
) o
Cuba
(mescamente a pustis de s'integrare in su
COMECON
) puru fiant istados in carchi momentu catalogados ≪satellites sovieticos≫. Pro parte sua, s'imprenta de su campu sotzialista de costumene usaiat definitziones de calibru simigiante pro si referrere in istados capitalistas perifericos e a is alliados de sos
Istados Unidos
in sa
NATO
, contraparte de su
Patu de Varsavia
. Aici, tantis s'imprenta de sa
Republica Democratica Tedesca
comente sa de ateros paisos sotzialistas, si referiat a fatu·fatu a sa
Germania Otzidentale
comente unu
guvernu buatone
de sa
NATO
e de sos
Istados Unidos
.