Honore de Balzac (Tours, 1799 - Parigi , 1850 ) est istadu unu iscritore.

Biografia [ modifica | modifica su codighe de origine ]

A pustis de aer publicadu sa prima opera sua iscrita in versos, Cromwell, un'amigu de familia li cussigiat de dassare sa carrera literaria. Isse sighit a iscriere ma sena resurtadu. Sa situatzione economica sua est mala etotu, galu peus a pustis de su fallimentu de sa tipografia chi aiat comporadu. Pro custu est obrigadu a iscriere sena pasu. Pessende de faghere fortuna, benit a Sardigna pro isfrutare sas iscorias de sa prata de sas minas de sa Nurra . Dae su biagiu no otenit su chi isperaiat, difatis s'isfrutamentu de sas iscorias fiat giai istadu assinnadu a su genovesu Pezzi, arribadu in antis suo.

Prenu de amargura andat tando a su Sud de s'isula, a Domusnoas , cun s'isetu de otennere s'isfrutamentu de sas iscorias de sas minas de cue, ma non tenende prus mancu una sesina est custrintu a torrare a Frantza . In una litera chi aiat iscritu a sa femina sua, Hanska, su 17 de abrile de su 1838 , descriet sa Sardigna comente una terra agreste, sena cultivatziones cun omines bestidos de istratzu e cun feminas chi faghiant su pane dae sa farina de lande. Una terra desertica cun savanas de pramas agrestes e cun cabras in totue chi distruiant totu.

A costagios de custa miseria, descriet biddas cun bestires de richesa manna e cun terrinos cultivados. Duncas una terra prena de cuntraditziones. Dassat s'isula tristu e discuntentu ma semper cun s'isperu de torrare pro s'irrichire.