Custu articulu est iscritu cun sa grafia Limba Sarda Comuna . Abbaida sas ateras bariedades graficas:

campidanesu · logudoresu · nugoresu

Heinz Jurgen Wolf ( Dusseldorf , Germania 1936 - Bonn 2016) ^{[1] [2] [3]} , est istadu unu linguista tedescu .

At istudiadu romanistica, anglistica e filosofia in sas universidades de Colonia e de Aix-en-Provence, laureende·si in frantzesu e inglesu in su 1962 . A pustis at cungruidu unu dotoradu de chirca in s'universidade de Colonia cun unu traballu subra de sos numenes etnicos frantzesos, Die bildung der franzosischen Ethnica ( 1967 ). Cunsighida sa dotzentzia libera in su 1970 , est ordinariu de Linguistica romanza in s'universidade de Bonn dae su 1974 .

At iscritu paritzos traballos subra de sas limbas romanzas , mescamente s' italianu e su frantzesu e, dae su 1983 , finas su sardu ; in particulare s'est ocupadu de fonetica istorica, formatzione de sas paraulas, dialetologia e toponomastica. Intre sas publicatziones suas tocat de mentovare Glosas Emilianenses ( 1991 ), una monografia subra de su navarru-aragonesu antigu, e Franzosische Sprachgeschichte ( 1979 ), un'istoria de sa limba frantzesa. In particulare, subra de su sardu at publicadu Studi barbaricini ( 1992 ), una regorta de istudios e Toponomastica barbaricina ( 1998 ), subra de sa toponomastica de noe biddas de sa Barbagia . In prus, at fintzas iscritu testos subra de sas grammaticas de unas cantas de cussas biddas. ^{[4] [5]}

In su 2016, gratzias a sa voluntade de sa figia Mimi e de sa mugere Silvia, sa Sotziedade pro sa Limba Sarda at otentu in donu totu sa biblioteca sua, chi est istada tramudada a Nugoro pro formare una biblioteca de istudios linguisticos intitulada a issu e aberta a totus. ^[6] Sa biblioteca l'ant inaugurada su 15 de nadale de su 2021, in sos locales frunidos dae s'ANMIG de Nugoro ^[7] , paris a sa presentatzione de unu libru chi collit sos istudios suos de linguistica sarda, imprentadu dae sa domo editora Papiros , e a s'inauguratzione de una mustra de pannellos dedicada a sas limbas de sa Sardigna , de s' Italia e de s' Europa . ^{[8] [9]}

In su 2024 sa domo editora Papiros (cun su numene Papiros/Insula) at publicadu un'istudiu suo subra de sas variantes de su sardu de Fonne , Gavoi , Lodine , Mamujada , Ollollai , Orgosolo , Ortzai , Ovodda e Uliana , a incuru de Moritz Burgmann e Diegu Corraine . ^[10]

Unas cantas operas [ modifica | modifica su codighe de origine ]

• ( DE ) Die Bildung der franzosischen Ethnica , Ginevra/Parigi, 1967, OCLC   1068878632 .
• ( DE ) Franzosische Sprachgeschichte , Heidelberg, Quelle und Meyer, 1991 [1979] , ISBN   978-3-494-02184-3 , OCLC   493519570 .
• ( DE ) Glosas Emilianenses , Amburgu, 1991, ISBN   978-3-87118-976-0 , OCLC   695013150 .
• ( IT ) Heinz Jurgen Wolf, Studi barbaricini: miscellanea di saggi di linguistica sarda , Casteddu, Edizioni della Torre, 1992, ISBN   978-88-7343-231-9 , OCLC   246756831 .
• ( IT ) Toponomastica barbaricina , Nugoro, Insula, 1998, ISBN   978-88-86111-09-6 , OCLC   799556722 .
• Heinz Jurgen Wolf, La lingua sarda standard e la toponomastica ( PDF ), in Lucia Grimaldi e Guido Mensching (a incuru de), Su sardu: limba de Sardigna e limba de Europa, atti del congresso di Berlino, 30 novembre-2 dicembre 2001 , Casteddu, CUEC, 2004, pp. 107-112, ISBN   978-88-8467-170-7 , OCLC   62252644 . URL consultadu su 30 abrile 2021 (archiviadu dae s' url originale su 5 nadale 2013) .
• ( IT ) Heinz Jurgen Wolf, Grammatica Storica del Sardo Barbaricino: Fonni, Gavoi, Lodine, Mamoiada, Oliena, Ollolai, Olzai, Orgosolo, Ovodda , a incuru de Moritz Burgmann e Diego Corraine , annotos, cummentu, bibliografia e inditze de Moritz Burgmann, Nugoro, Insula , 2024, ISBN   978-88-8611-164-5 . atzessu tenet bisongiu de url ( agiudu )

Riferimentos [ modifica | modifica su codighe de origine ]

1. ↑ Diegu Corraine, Heinz Jurgen Wolf nos nch'at lassadu , in Limbas&Natziones de su Tempus Nostru , 29 martzu 2016. URL consultadu su 25 lampadas 2019 . ^{[ ligamene interrumpidu ]}
2. ↑ Cunferentzia in Ovodda pro regordare a su linguista tedescu Heinz Jurgen Wolf , in LinkOristano , 8 lampadas 2019. URL consultadu su 25 lampadas 2019 .
3. ↑ ( DE ) Nachruf auf Prof. Dr. Heinz Jurgen Wolf (1936 ? 2016) , in www.romanistik.de . URL consultadu su 25 lampadas 2019 .
4. ↑ ( IT ,  SC ) Heinz Jurgen Wolf, Elementi di Grammatica Mamoiadina ( PDF ), a incuru de Angelina Salvai. URL consultadu su 26 nadale 2021 .
5. ↑ ( IT ,  SC ) Heinz Jurgen Wolf, Elementi di Grammatica Orgolesa ( PDF ), a incuru de Angelina Salvai. URL consultadu su 26 nadale 2021 (archiviadu dae s' url originale su 26 nadale 2021) .
6. ↑ Biblioteca de Istudios Linguisticos Heinz Jurgen Wolf , in SLS · Sotziedade pro sa Limba Sarda , 20 martzu 2021. URL consultadu su 30 abrile 2021 (archiviadu dae s' url originale su 30 abrile 2021) .
7. ↑ ( IT ) Inauguratzione de sa "Biblioteca Heinz Jurgen Wolf de istudios linguisticos e de limba sarda , in Il Minuto . URL consultadu su 25 santugaine 2022 .
8. ↑ Pro sa limba sarda de cras , in SardegnaEventi24 . URL consultadu su 26 nadale 2021 (archiviadu dae s' url originale su 26 nadale 2021) .
9. ↑ ( IT ) Linguistica, apre la “Biblioteca Wolf” , in La Nuova Sardegna , 9 nadale 2021. URL consultadu su 26 nadale 2021 .
10. ↑ ( IT ) Heinz Jurgen Wolf, Grammatica Storica del Sardo Barbaricino: Fonni, Gavoi, Lodine, Mamoiada, Oliena, Ollolai, Olzai, Orgosolo, Ovodda , a incuru de Moritz Burgmann e Diego Corraine , annotos, cummentu, bibliografia e inditze de Moritz Burgmann, Nugoro, Insula , 2024, ISBN   978-88-8611-164-5 . atzessu tenet bisongiu de url ( agiudu )