Custu articulu est iscritu in sa grafia campidanesa . Abbaida sas ateras bariedades graficas:

logudoresu · LSC · nugoresu

Ddis narant frutora o fruta a cuddus frutus pigaus de prantas coltivadas o arestis chi, po sabori, fragu e propiedadis nutritivas, si papant de solitu friscas, comenti suci o durci, una borta chi bessit madura, o apustis de dda coi. ^[1]

Su consumu de frutora bitit pagu calorias e una percentuali arta de acua (intra su 80 e su 95% de su pesu friscu), faendi s'idratatzioni prus facili po s'organismu. ^[2] In prus, agiudat sa concoidura, bitendi-ndi fibras alimentarias. ^[2] A foras de unas cantu ecetzionis (po esempru, su cocu), sa fruta no portat grassus saturaus. Calincunu frutu, comenti sa fruta sica e s' avogau , est fonti de acidus grassus essentzialis po s'organismu. ^[2] Sa fruta est fintzas una fonti de importu de energia po s'organismu, ca cuntenit idraus de carboniu solubilis a disponibilidadi rapida. ^[2]

Comenti alimentu , sa frutora est de importu mannu po sa saludi umana. In generali, est arrica de vitaminas, salis mineralis e antiossidantis. ^[2] Unas cantu vitaminas e mineralis, comenti sa vitamina C e sa pudassa , benint pruschetotu de sa fruta in s'alimentatzioni umana. ^[2]

Riferimentus [ modifica | modifica su codighe de origine ]

1. ↑ ( ES ) Dr Ivan Chile Martinez, Nutricion Cronobiologica Y Bioenergetica (Edicion Blanco Y Negro): El Eslabon Perdido De La Alimentacion , Palibrio, 8 maju 2015, ISBN   978-1-5065-0331-8 . URL consultadu su 16 ghennargiu 2022 .
2. ↑ ^{2.0 2.1 2.2 2.3 2.4 2.5} ( EN ) Vicente, A.R.; Manganaris, G.A.; Sozzi, G.O.; Crisosto, C.H., Nutritional quality of fruits and vegetables ( PDF ), in Florkowski, W.J.; Shewfelt, R.L.; Brueckner, B.; Prussia, S.E. (a incuru de), Postharvest Handling: A Systems Approach , 2ª ed., Amsterdam, Elsevier, 2009, pp. 57-106, ISBN   978-0-12-374112-7 . Otro enlace al mismo trabajo

Bibliografia [ modifica | modifica su codighe de origine ]

• Vicente, A.R.; Manganaris, G.A.; Sozzi, G.O.; Crisosto, C.H. (2009). Nutritional quality of fruits and vegetables, pp. 57-106. En: Florkowski, W.J.; Shewfelt, R.L.; Brueckner, B.; Prussia, S.E. (eds.), Postharvest Handling: A Systems Approach , 2nd ed. Amsterdam (The Netherlands): Elsevier. ISBN 978-0-12-374112-7 .