Sa cultura pobulare est unu paradigma sotziu-culturale chi indicat sa summa de ideas, puntos de bista, atitudines, immagines e unos cantos ateros aspetos chi b'intrant e chi torrant in su chi benit naradu mainstream , sas tendentzias dominantes de una comunidade manna determinada. In manera piessigna si faghet riferimentu cun custa espressione a cussa ligada a sa cultura otzidentale de su de XX seculos e a sa globalizatzione chi at caraterizadu sa fine de su de XX e su cumintzu de su de XXI seculos.

Influentzada a forte dae sos medios de massa (internet, televisione, editoria e ateru), custa summa de cuntzetos, ideas e opiniones acumpangiat su vida cuotidiana de sa sotziedade e s'insertat in categorias ligadas meda a s'intratennida ( musica , tzinema , televisione ), a s' isport , a s' informatzione , a sa politica , a sa tecnologia e a su limbagiu .

Sa cultura pobulare est s'ispissu bidida cun unu sensu negativu, est a narrere che a unu termine chi indicat una ridimensionada, in negativu, de su livellu intelletuale e de imparu de unu sugetu o fintzas de su tema, o in generale una friolera de su matessi tema o cuntzetu. S'espressione inglesa chi indicat custu cuntzetu est dumbing down (in manera literale "ghetadu a giosso"). Comente a cunsighentzia de custu, b'est unu sensu criticu forte contra a issa a banda de fontes foras de sas tendentzias printzipales, che a grupos contraculturales o religiosos, ma non petzi, chi l'indicant che a una forma de atzetatzione sotziologica a banda de sos medios de massa in s'omine, tando comente a fenomenu chi implicat superfitzialidade e consumismu.

S'espressione "cultura pobulare" diferit de su termine folclore, chi est imbetzes sa summa de connoschimentos, paristorias, impreos e costumenes tramandadu dae una tzerta populatzione pre-industriale o de tzetos populares in cantu poberos.

Cun su termine cultura pobulare si podet fintzas cumprendere sa traspositzione mecanica de sa limba inglesa de s'espressione popular culture , chi prus curreta podet essere trasposta de s'espressione "cultura de massa", cun sa cale si cumprendet sa cultura trasmitida dae sos medios de massa.