Cesareo

Cesareo
Cesareo
Informatziones
Numene de naschida	Davide Luca Civaschi
Naschidu su	22 de ghennargiu de su 1962 ; Milanu , Lombardia , Italia
Genere musicale	Rock dementziale ; Rock progressivu ; Pop rock
Ocupatziones	sonadore, composidore, presentadore radiofonicu
Istrumentos	chiterra
Annos de atividade	1983 - oe
Artistas assotziados	Elio e le Storie Tese ; Elio (cantadore) ; Faso ; Rocco Tanica ; Jantoman ; Vittorio Cosma ; Feiez ; Daniele Silvestri ; Massimo Riva ; Stefano Nosei ; Annalisa Minetti ; Perro Negro

Custu articulu est iscritu cun sa grafia

Limba Sarda Comuna

. Abbaida sas ateras bariedades graficas:

campidanesu · logudoresu · nugoresu

Cesareo , pseudonimu de Davide Luca Civaschi ( Milanu , 22 de ghennargiu de su 1962 ), est unu chitarrista e compositore italianu, membru de su grupu Elio e le Storie Tese .

Carriera [ modifica | modifica su codighe de origine ]

Sos zistros de sos Elios

Comente cada membru de sos Elio e le Storie Tese , in su cursu de sos annos Cesareo at adotadu, in manera prus o mancu estemporanea, medas zistros. Intre custos: Il Civas , Davidone , Davidino Gorrini o Corrini , Cicatrice , Cesareo , Cesare , Mimmo , Mimmo Personacchi , Abu Ach Personach , Il Personaggio , Sig. Ciobarelli , Ciuashchi , Ciuash , Cimasoni , Luca Gorrini , Devaiule , Sirvaci , Cesareo Fitasgi .

Istrumentista cun capatzidades tecnicas e compositivas istimadas, at militadu in medas grupos emergentes milanesos, intre sos cales sos Urania, in antis de divennere su chitarrista ufitziale de sos Elio e le Storie Tese in su 1984.

At fintzas collaboradu cun medas artistas, intre sos cales Daniele Silvestri, Massimo Riva, Stefano Nosei, Annalisa Minetti e sos Perro Negro, e cun pessonagios de s'ispetaculu comente a Claudio Bisio. At iscritu, in paris cun Massimo Riva, su branu Dentro di me , presentadu dae Mara in su Festival de Sanremo 1995 in sa setzione "propostas noas" otenende sa finale.

Cesareo si distinghet pro un'istile sobriu e eficatze e pro sa poliedricidade sua, chi bene s'adatat a sas carateristicas de su grupu.

In sa radiu presentat, in paris cun Linus e cun sos ateros membros de sos Elio e le Storie Tese , sa trasmissione Cordialmente in direta in Radio Deejay.

In prus de essere su chitarrista de sos Elios, Cesareo sonat fintzas cun sos Four Tiles e partetzipat, paris cun unos ateros chitarristas comente a Max Cottafavi e Maurizio Solieri, a sa Notte delle Chitarre, organizada dae su grupu Custodie Cautelari.

Est istadu su primu chitarrista italianu a tennere unu modellu de chiterra costruida pro issu dae s'Ibanez, sa RGTH57 Cesareo Model, cun una grafica chi est istada realizada in manera aposita dae su frade suo (graficu de professione) ispirende·si a Eddie Van Halen.