Sa Cungregadura de sos Pobulos de Tradissione pro su Proselitismu e sa Jihad, cunnota mezus cun su numene suo in limba hausa Boko Haram (“S'edugadura otzidentale est immorale”) est un'organizadura terrorista isramiga jihadista chi tenet sa base sua in su nordu-estu de sa Nizeria , su nordu de su Camerunu e su Nizer . Fundada dae Mohammed Yusuf in su 2.002, s'organizadura tenet sa finalidade de istabilire un'istadu isramigu “puru” reghidu dae sa leze de sa sharia , ponende agabu a su chi abaliat comente “otzidentalizadura”. Su grupu est cunnotu pro sos atacos suos contra a cristianos e membros de su gubernu, sos atentados suos a bomba contra a cresias, sos assartos suos contra a iscolas e istassiones de polima e sos sechestros suos de turistas otzidentales, peroe at finas assassinadu membros de s'istabilimentu isramigu. Sa biolentzia relassionada cun sa rebellia de Boko Haram at causadu unas 10.000 bitimas mortales entre su 2.002 e su 2.013.