Custu articulu est galu unu abbotzu. Lu podes modificare e faghere mannu e pretzisu. Agiuda·si!

Renato Soru (nasciu in Seddori su 6 de austu de su 1957 ) est unu impresariu e politicu sardu ; at fondadu sa Tiscali .

Biografia [ modifica | modifica su codighe de origine ]

Fillu de Egidio Soru, unu bidellu de s'iscola de sa bidda, e de Gigetta Spada, mere de una buttega, nascit e crescit in Seddori , si diplomada in su Liceu Classicu cun sa votatzione de 48/60 ^[1] e in su 1976 partit a Milanu pro istudiare Economia a sa Universidade Bocconi de Milanu .

S'impresariu [ modifica | modifica su codighe de origine ]

In su 1980 preferit a lassare is istudius pro su traballu, e a pustis de ait traballadu accanta de sa sotziedade de intermediatzione finantziaria Lazender , partecipada a sa fundatzione de CBI Merchant e si faidi anotai pro is calidades manageriales e in su 1992 Soru guadangiada a Milanu giai 350 milionis de francus s'annu ma dezidit su propriu de torrare in Sardigna , aundi ponit a postu sa buttega de sa mamma e s'ammaniat cun ateros puntus de bendita ne is biddas de sa zona, a pustis bendit totu sa cadena de supermercaus pro 7 miliardus e costruiscit tzentrus cummertzialis, dus fait cresciri pro pagu e dus torrat a bendiri a sa Standa : is "Citta Mercato" a Aristanis e Terranoa funt un esempiu. Est su 1995 candu de Casteddu arribat a Praga e, cun d'unu investimentu de 300 milionis ottenit dae Nicola Grauso sa lissentzia pro distribbuire Video OnLine in Repubrica Tzeca cun su nomine Czech OnLine , chi diventat su primu internet provider de sa natzione e benit bendia in su 1997 a sa Deutsche Telekom . Torrat in Sardigna e in su ghennargiu de su 1998 fait nasciri sa Tiscali ( su nomini benti dae su villaggiu nuragicu Tiscali )e in s' abrile de su propriu annu, ottenit su permissu de s'autoridade prubbica pro poder oberare in su mercatu telefonicu. Tiscali crescidi meda fintzas a essiri unu de is "providers informaticus" prus mannu de su mundu, gratzias a sa connessioni a pretziu baratu, e in su 1999 benit quotada in borsa .Sa sede esti a Sa Illetta.

S'intrada in politiga: eletziones regionales de su 2004 [ modifica | modifica su codighe de origine ]

In su 2003 at detzidiu de intrari in politiga cun d'unu partidu suo ( Progetto Sardegna ) aintru de sa coalitzioni de tzentru-manca. Ne is eletziones regionales de su 12 e 13 lampadas 2004 bincit cun su 50,13% (487.692 botus) ^[2] e diventat Presidente de sa Regione Sardigna . Su 25 santandria 2008 at presentadu sas dimissiones pro aprentos cun sa magiorantzia sua etotu a propositu de urbanistica de is fascias de intru Sardigna .

Eletziones regionales de su 2009 [ modifica | modifica su codighe de origine ]

Si candidat comente guvernadori pro is eletziones regionales de su 15 e 16 freargiu 2009 , pigada 415.600 botus (42,9%) ma bincit su candidau de su partidu de tzentru-dereta Ugo Cappellacci cun su 51,8% (502.084 botus). ^[3]

Referentzias [ modifica | modifica su codighe de origine ]

1. ↑ ( IT ) Alberto Sanna, Tiscali: biografia dell'imprenditore Renato Soru , in bellasardegna.it . URL consultadu s'11 freargiu 2009 (archiviadu dae s' url originale su 18 martzu 2009) .
2. ↑ Regione Sardigna Risultaus eletziones regionales 2004 , in regione.sardegna.it . URL consultadu su 29 martzu 2009 (archiviadu dae s' url originale su 9 triulas 2022) .
3. ↑ Regione Sardigna Risultaus eletziones regionales 2009 , in regione.sardegna.it . URL consultadu su 29 martzu 2009 (archiviadu dae s' url originale su 6 martzu 2009) .