EjaTV

Annanghe ligamenes
Dae Wikipedia, s'entziclopedia libera.
Custu articulu est iscritu cun sa grafia Limba Sarda Comuna . Abbaida sas ateras bariedades graficas:

campidanesu · logudoresu · nugoresu


EjaTV est unu canale televisivu sardu.

Istoria [ modifica | modifica su codighe de origine ]

Fundadu in su 2014 , est naschidu dae un'idea de su giornalista, iscritore, iscienegiadore e produtore tzinematograficu Tore Cubeddu , e pro mediu de sa collaboratzione intre sa domo de produtzione fundada dae issu duos annos in antis, Terra de Punt, e su tzircuitu Sardex. [1] [2] [3] [4] Sa punna sua est sa de faghere trasmissiones in limba sarda e in sas ateras limbas de Sardigna ( tataresu , gadduresu , catalanu saligheresu e tabarchinu ). [1] [5] Pro custa resone, sos fundadores ant isseberadu de lu presentare a su publicu cun sa frasia " sa Tv de sas limbas de Sardigna, sa Tv de sos sardos". [3]

Pro sos primos 5 annos est istada una webtv, trasmitende sos programmas suos in su situ web suo, in unos cantos suta-canales, [4] ma dae su 2020, pro mediu de su sinnale multiplicadu de Sardegna Uno , [3] at incumintzadu a trasmitere in su canale 172 de su digitale terrestre. Sas trasmissiones suas s'ocupant de argumentos medas: sas atividades ligadas a sa terra sarda, s'istoria antiga, s'iscientzia, sa literadura, sa musica, s'economia, sa politica e ateru. [1] [6] [2] [7]

At collaboradu cun Areavisuale Film de Paolo Carboni, cun s'Assotziu culturale Babel, fintzas pro sa trasmissione de su Babel Film Festival [8] e pro su Premiu Kentzeboghes [9] [10] , cun Sardegna Produzioni, cun Arionline (Youtg), cun s'iscuadra de fubalu de su Casteddu , cun Sardegna Teatro, cun s'istudiu Inoke de Nugoro e cun ateros entes e aziendas de sa Sardigna. [5]

In su 2016 at collaboradu cun sa Fundatzione Sartiglia pro s'editzione de sa Sartiglia de cuss'annu, trasmitende in direta su videu de s'eventu cun cummentos in tres limbas: sardu , italianu e inglesu . Cussas diretas las ant pompiadas prus de 35000 persones. [2] [11]

In su 2019 at trasmitidu sa direta de s'opera teatrale " Processo alla statua di Carlo Felice " de s'atore e regista Gianluca Medas, naschida dae s'ispiratzione de su sagiu Carlo Felice e i tiranni sabaudi , de Frantziscu Casula , chi at tentu unu sutzessu mannu de publicu. [12] [13] [14]

Semper in su 2019 [15] , in paris cun Terra de Punt, [16] at produidu una serie televisiva in ses puntadas, "Adria- Beni cun me!", in ue Adria Martin-Mor, un'istudiosu e professore catalanu espertu de tradutzione automatica e ativista pro sa limba sarda, biagiat cun unu furgone in totu sa Sardigna chistionende in sardu e in sas ateras limbas sardas siat cun chie s'ocupat de valorizatzione de cussas limbas siat cun persones agatadas in sa carrera, pro cumprendere ite raportu tenent sos abitantes de s'isula cun su sardu e sas ateras limbas locales issoro. Sa serie l'at comporada e trasmitida sa RAI , in su canale suo RAI3, in su ghennargiu e in su freargiu de su 2021, e at retzidu interessu mannu dae parte de su publicu, e fintzas a livellu giornalisticu internatzionale. [17] [18] [19] [20] Semper Adria Martin-Mor at iscritu e cantadu sa colonna sonora e sa sigla de sa serie, chi a pustis at publicadu in linia in unu discu a litzentzia aberta. [21]

Semper in su 2021 , pro neghe de sa pandemia de COVID-19 , s'editzione annuale de sa Sartiglia est istada annullada, e remplasada cun una serie de eventos belle totus in digitale. EjaTV s'est ocupada de trasmitere in sos canales suos sas tzelebratziones de sa Candelera, films curtzos, filmados, programmas de aprofundimentu e de dibata e intervistas. [22] [23] [24] [25]

A sa fine de su 2021, a pustis de sa modifica de sas frecuentzias de su digitale terrestre in Sardigna [26] , EjaTV at incumintzadu a trasmitere sas produtziones suas in un'emitente televisiva noa, Radio Televisione Sarda , in su canale 79 e in su situ e su canale ufitziales suos [27] , in collaboratzione cun s'Assotziu Culturale Torretonda de Tatari , Terra de Punt, SardegnaEventi24, Produzioni Sardegna e s'Assotziu Babel. [28]

Riferimentos [ modifica | modifica su codighe de origine ]

  1. ↑ 1.0 1.1 1.2 Gabriele Tanda, EjaTV: su sardu in sa modernidade , in Limba Sarda 2.0 , 28 freargiu 2020. URL consultadu su 15 freargiu 2021 .
  2. ↑ 2.0 2.1 2.2 ( IT ) EjaTV: nuovi format e partnership importanti per la web tv dei sardi , in Il Magazine di Sardex.net , 15 abrile 2016. URL consultadu su 15 freargiu 2021 . [ ligamene interrumpidu ]
  3. ↑ 3.0 3.1 3.2 ( IT ) Tv locali, Sardegna. Sul mux di Sardegna 1 parte Eja Tv, una vera novita per la regione. Un’emittente che vuol essere la voce di tutti i sardi e delle aziende dell’isola , in Newslinet , 2 ghennargiu 2019. URL consultadu su 15 freargiu 2021 .
  4. ↑ 4.0 4.1 ( IT ) Marco Scaramella, EJATV: LA TV DEI SARDI! , in S&H Magazine , 4 triulas 2016. URL consultadu su 15 freargiu 2021 .
  5. ↑ 5.0 5.1 ( IT ) Ignazio Sanna, Sardegna: Eja Tv fra radici e ali , in Agoravox , 29 santugaine 2019. URL consultadu su 15 freargiu 2021 .
  6. ↑ Gabriele Tanda, Nicola Dessi: aici conto sa Sardigna antiga , in Limba Sarda 2.0 , 3 triulas 2020. URL consultadu su 15 freargiu 2021 .
  7. ↑ EJATV - Canale 172 de su Digitale Terrestre , in ejatv.com . URL consultadu su 15 freargiu 2021 .
  8. ↑ ( IT ) Torna il Babel festival, voce alle minoranze linguistiche , in ANSA , 1º freargiu 2021. URL consultadu su 15 freargiu 2021 .
  9. ↑ Babel Film Festival 2021 , in Limba Sarda 2.0 , 3 freargiu 2021. URL consultadu su 18 nadale 2021 .
  10. ↑ ( IT ) Kentzeboghes Editzione 2021/2022 , in Babel TV . URL consultadu su 18 nadale 2021 (archiviadu dae s' url originale su 30 triulas 2021) .
  11. ↑ ( IT ) Sartiglia, diretta streaming e seguito record sui social per l'edizione 2016 , in Il Magazine di Sardex.net , 12 freargiu 2016. URL consultadu su 15 freargiu 2021 (archiviadu dae s' url originale s'11 austu 2020) .
  12. ↑ ( IT ) “Processo alla statua di Carlo Felice” replica, la discussione appassiona i cagliaritani , in Vistanet , 28 austu 2020. URL consultadu su 14 freargiu 2021 .
  13. ↑ ( IT ) A Cagliari “Processo alla statua di Carlo Felice” , in Sardegna Reporter , 28 austu 2020. URL consultadu su 14 freargiu 2021 .
  14. ↑ ( IT ) Processo alla statua di Carlo Felice - rappresentazione teatrale c/o palazzo regio in Cagliari , in Sardegnaeventi24 . URL consultadu su 14 freargiu 2021 (archiviadu dae s' url originale su 16 maju 2021) .
  15. ↑ ( IT ) Sardegna in tv, domani la prima puntata di un programma sulle lingue dell’Isola , in Vistanet , 2 ghennargiu 2021. URL consultadu su 15 freargiu 2021 .
  16. ↑ Cumintzat dae Casteddu sa serie in ses puntadas “Adria ? Beni cun me!” , in SardegnaEventi24 . URL consultadu su 15 freargiu 2021 (archiviadu dae s' url originale su 30 triulas 2021) .
  17. ↑ ( CA ) David Paloma, El foraster sard , in El Punt Avui , 12 ghennargiu 2021. URL consultadu su 15 freargiu 2021 .
  18. ↑ ( CA ) El ‘foraster’ de la televisio publica italiana , in RAC1 , 17 ghennargiu 2021. URL consultadu su 15 freargiu 2021 .
  19. ↑ Filmadu vìdeu ( CA ) TV3, Planta baixa - Les claus del vot per correu , a 45 min 52 s.
  20. ↑ ( CA ) Alicia Salvatella, "Estem en un proces global de desertificacio linguistica" , in Diari de Barcelona , 4 freargiu 2021. URL consultadu su 15 freargiu 2021 .
  21. ↑ Adria Martin-Mor, Lo somris de la magrana , in Adria Mor ? Musica catalanosarda | musica sarducatalana . URL consultadu s'8 maju 2021 (archiviadu dae s' url originale s'8 maju 2021) .
  22. ↑ ( IT ) Covid, Sartiglia annullata: celebrazioni sul web , in La Nuova Sardegna , 30 ghennargiu 2021. URL consultadu su 15 freargiu 2021 .
  23. ↑ ( IT ) Al via gli Eventi di Sartiglia: mostre, maratone tv e concorsi per il carnevale , in LinkOristano.it , 5 freargiu 2021.
  24. ↑ ( IT ) Eventi di Sartiglia 2021, ecco il programma dal 4 al 16 febbraio, con mostre, speciali TV e WEB! , in Sardegna in Blog , 6 freargiu 2021. URL consultadu su 15 freargiu 2021 .
  25. ↑ ( IT ) Al via gli Eventi di Sartiglia 2021: mostre, maratone tv e concorsi per il carnevale | Oristano Noi , in oristanonoi.it . URL consultadu su 15 freargiu 2021 .
  26. ↑ ( IT ) Sardegna e Tv digitale: una situazione in costante evoluzione , in FM-World , 2 nadale 2021. URL consultadu su 25 ghennargiu 2022 .
  27. ↑ Como podides sighire totu is produtziones de Ejatv in sa Radio Televisione Sarda fintzas in streaming in su situ , in Facebook . URL consultadu su 25 ghennargiu 2022 .
  28. ↑ ( SC ,  IT ) Sardegnaeventi24.it - Est naschia sa Radio Televisione Sarda , in www.facebook.com . URL consultadu su 25 ghennargiu 2022 .

Ligamenes esternos [ modifica | modifica su codighe de origine ]

Bogadu dae " https://sc.wikipedia.org/w/index.php?title=EjaTV&oldid=181938 "