Da Uicchipedie, 'a 'ngeclopedije libbere.
Silvio Berlusconi
Silvie Berlusconi
(
Melane
, 29 settembre 1936) ete 'nu puliteche e 'mbrendetore tagliane, cape e criatore ind'o 1993 d'u movemende politeche Forza Italia.
Ha state elette p'a prima vote ind'o 1994 a' Camere e ha recuperte 'a careche de Presedende d'u cunzigghie ind'o 1994 e ind'a XIV legislature (2001 - 2006), facenne pure "ad interim" le funziune de menistre dell'Estere, dell'Economije, d'a Salute e d'a Funzione Pubbleche. Moje ste deputate a' Camere.
'U sciurnale Forbes dice ca Berlusconi osce e 'u crestiane cchiu ricche d'Italie e 'u 51° cchiu rricche d'u munne, cu 'nu patremonie insestemabbele de 11,8 miliardi di dollari ind'o 2007.
E 'u prime figghie de 'na famigghie d'a borghesije melanese. L'attane, Luigi Berlusconi, jeve fadiatore a' Banghe Rasini, addo ha fadiate 'nzigne a 'ddevenna procuratore generale. Doppe ca l'attanese 'nzuroje Rosa Bossi (ex secretarie d'u gruppe Pirelli) nascibbe Silvio, Maria Andoniette ind'o 1943 e Ppaole ind'o 1949, pure jidde 'mbrendetore.
Ind'o 1954 pigghie 'a matureta classeche o licee salesiane "Sant'Ambrogio" de Melane. Tanne po' s'appundoje a' facultate de Sciurisprudenze, addo se laurio 'nlegge ind'o 1961 cu 'a lode, presendanne 'na tese sus'o condratte pubblicetarie ca le faci pigghia 'a bborse de studie.
Se 'nzuroje 'nd'o 1965 cu Carla Elvira Lucia Dall'Oglio, e cu jedde face 2 file: Maria Elvira detta Marina (1966) e Pier Silvio (1968). Ind'o 1985 se devorzie d'a prima mugghiere e se 'nzore cu Veronica Lario (Miriam Bartolini), ex attrice, ind'o 1990. Cu jedde ave tre ffile: Barbara (1984), Eleonora (1986) e Luigi (1998).
Indo decembre 2006 le mittene 'nu pacemaker o spetale de Cleveland, Stati Uniti.
