|
Questa pagina e scritta en puter.
|
Las elas pitturedas dal uter dals set sacramaints da
Rogier da van der Weyden
Sacramaint
(per rumauntsch grischun
sacrament
, derivand dal
latin
sacer
= sench) significha acziuns senchas, cullas quelas la grazcha da Diei riva a l'umaun. La noziun es deraseda illas confessiuns differentas dal
cristianissem
.
Tenor una definiziun classica dal patrun da la baselgia antica
Augustinus
es il sacramaint la summa da pled (cumand ed impromischiun da Dieu) e d'elemaint (p.ex. ova tar il
battaisem
u vin e paun tar la
Sencha tschaina
).
La
baselgia catolica romauna
e la
baselgia cristcatolica
cugnuoschan set sacramaints:
- Battaisem
- Craisma
- Eucaristia
- Penitenza
- Uncziun d'amalos
- Matrimoni
- Ordinaziun / consacraziun (in trais s-chelas: diacon, preir, ovas-ch)
Las baselgias evangelicas as restraindschan a duos sacramaints perche cha be quels haun un cumand direct da
Gesu
svess:
- Battaisem
- Sencha Tschaina
Minchataunt - impustut illas baselgias
luteraunas
- vain eir accepteda la penitenza scu sacramaint. Tar ella, schabain cha Gesu l'ho fundeda ed instruida, mauncha pero il segn visibel.
In tendenza putost scepticamaing vers la noziun
sacramaint
as cuntegnan las baselgias refurmedas. Seguond lur persvasiun es il sacramaint unicamaing un simbol chi guda da commemorer la grazcha dal Segner.