Il puter e in idiom rumantsch . El vegn discurri en l’ Engiadin’Ota tranter Malogia e Cinuos-chel sco er a Bravuogn .

Introducziun [ modifitgar | modifitgar il code ]

Tar il puter sa tracti d’ina varianta dal ladin. La noziun ?ladin? designescha en Svizra las variantas rumantschas da l’Engiadina e da la Val Mustair. Sper il puter en quai il vallader (Engiadina Bassa) ed il jauer (Val Mustair). Il ladin en Svizra furma ina part dal rumantsch dal Grischun ed e da distinguer cleramain da la lingua ladina che vegn discurrida en il Tirol dal Sid (Dolomitas).

Il puter e sta da muntada speziala per il svilup dal rumantsch sco lingua scritta. Il pli vegl text litterar rumantsch pli lung furma la ?Chanzun da la guerra dalg Chiaste d’Mus? (1527), scritta en puter da Gian Travers da Zuoz. Er l’emprim cudesch stampa rumantsch deriva da l’Engiadin’Ota: il 1552 e cumpari in catechissem protestant ed il 1560 il Nov Testament, omadus translatads en puter da Jachiam Bifrun da Samedan.

Scripziun e pronunzia [ modifitgar | modifitgar il code ]

Malgra numerusas adattaziun en il decurs dals tschientaners ha la lingua scritta da l’Engiadin’Ota mantegni fin oz numerus tratgs fitg vegls, quai che renda la pronunzia pli difficila che quella dals quatter auters idioms scrits dal rumantsch.

In exempel furma la pronunzia dad -aun- sco ?an? avant consonant resp. schizunt sco ?am? avant vocal ed a la fin dal pled. Il num rumantsch Silvaplauna (tud. Silvaplana) vegn perquai pronunzia sco ?Silvaplama?.

In’autra atgnadad da la scripziun dal puter furma la finiziun -ieu che tuna sco ?ia? (cun i accentua ed a curt). Pervi da questa ed autras reglas vegn bainvgnieu pronunzia ?bajnfnjia? e vstieu (vestgi) vegn pronunzia ?schtia? (senza v).

La differenza la pli evidenta dal puter envers il vallader (e savens er envers ils auters idioms) furma il fatg ch’in lung a vegn savens remplazza tras in lung e (e vegn er scrit en quests cas sco e). Entant ch’igl ha num en l’Engiadina Bassa chasa , Banca chantunala , dumandar , ala vegn ditg e scrit en Engiadin’Ota chesa , Banca Chantunela , dumander , ela (mintgamai cun e lung ed accentua).

Lingua da scola [ modifitgar | modifitgar il code ]

Sco tut ils idioms rumantschs na furma er il puter betg be in dialect discurri, mabain ina lingua scritta cun grammatica ed ortografia normada. Perquai vegn l’idiom er duvra sco lingua da scola en tut las scolas rumantschas e bilinguas da l’Engiadin’Ota.

Scripturas e scripturs [ modifitgar | modifitgar il code ]

• Gian Travers (1483?1563)
• Jachiam Bifrun (1506?1572)
• Giovannes Mathis (1824?1912)
• Simon Caratsch (1826?1892)
• Gian Fadri Caderas (1830?1891)
• Gian Pitschen Balaster (1833?1894)
• Clementina Gilly (1858?1942)
• Gian Bundi (1872?1936)
• Artur Caflisch (1893?1971)
• Ursina Clavuot-Geer (1898?1983)
• Reto Caratsch (1901?1978)
• Selina Chonz (1910?2000)
• Irma Klainguti (1917?2000)
• Martin Rascher (1920?2016)
• Gion Gaudenz
• Gori Klainguti
• Attilio Bivetti
• Anna Ratti

Colliaziuns [ modifitgar | modifitgar il code ]

• Ladin en il Lexicon istoric retic
• Dicziunari puter

Linguas, idioms e dialects retoromans Glista da las linguas retoromanas e lur idioms resp. gruppas dialectalas principalas per variantas senza idioms. Rumantsch dal Grischun (u ladin occidental ) Renan sursilvan ( medelin · tuatschin ) · central: sutsilvan · surmiran ( bargunsegner ) Ladin vallader · jauer · puter Ladin da las Dolomitas (u ladin central ) Brixino-tirolais badiot e marou · gardenes · fassan · fodom · ampezzan · ladin da la Rocia da Belluno cadorin · comelican · agordin · zoldan dal Noce nonais · solander · rabies Furlan (u ladin oriental ) Dialects vivs central · carnic · occidental · gorizian Dialects morts tergestin · muglisan