Gion Peder Thoni

Gion Peder Thoni (era scrit Thony; * 5 da matg 1921 a Stierva , burgais da Stierva e Riehen BS; † 1. da november 2014 a Riehen) e sta in scrivent da lirica, prosa e dramatica svizzer da lingua rumantscha .

Vita [ modifitgar | modifitgar il code ]

Gion Peder Thoni e naschi l'onn 1921 a Stierva , nua ch'el e era creschi si ed i a scola. Suenter ha el absolvi il seminari da scolasts a Cuira . Lura ha el da trais onns scola primara ad Alvaschagn ed a Vaz . Suenter frequentar studis a Friburg sco era en l'ester, tranter auter era a Paris, ha el pudi dar scola sco scolast secundar. Quai ha el fatg a Vaz , Casti ed Alvagni . L'onn 1954 mida el il domicil a Riehen en il Chantun Basilea-Citad , nua ch'el ha instrui en ina scola secundara. Il 1986 e el i en pensiun. Da Numnasontga, il prim da november 2014 e Gion Peder Thoni mort a Riehen en la vegliadetgna da 93 onns. ^[1]

Ovra [ modifitgar | modifitgar il code ]

Durant sia vita era el scrivent, publicist, cumponist e dirigent da divers chors. El e era sta confundatur da l'URS, l'Uniun Rumantscha Surmeir. Durant ils onns 1952-1971 redigiva el era il Noss Sulom . Plinavant ha el era scrit ina grammatica dal rumantsch surmiran . L'onn 1984 ha el retschavi il premi da la fundaziun Schiller.

Gion Peder Thoni n'ha betg be scrit istorgias, mabain era ina pluna poesias. Quellas ovras poeticas tractan il pli la natira, las stagiuns, la patria u era tematicas religiusas. El sa tegn cun las tematicas e cun il stil vid las tradiziuns, e pia betg in poet revoluziunari. Questa furma tradiziunala n'e dentant betg in impediment per integrar ses sentiments e sias impressiuns en las poesias.