Die zwee brennende Term vum World Trade Center
Am
11. Sebbdemba 2001
henn mehrere
Terroraaschlag
mit Flugzaisch in de
USA
schdaddgfunne, eena uff die zwaa Tarm vum World Trade Center, de zwedde uffs Pentagon und de dritte solld uffs Waiße Haus gehe.
Noch de beobachtende Erkenntnisse is des Flugzaisch vum Flug AA 11 um 8:46 in de Nordturm vum WTC naigefloge. Um 9:03 fliegt donn des zwedde Flugzaisch vum Flug UA 175 in de Siedturm nai. De Flug AA 77 fliegd um 9:37 ins Pentagon nai. Um 9:59 schderzd de Nordturm oi. Um 10:03 schderzd des Flugzaisch vum Flug UA 93 bai Pittsburgh ab. De Nordturm schderzd donn um 10:28 oi, des WTC 7 um 17:20.
2746 Lait sinn in de baide Term umkomme, devu ware 147 in de baide Flugzaisch. 184 sin im Pentagon umkumme, devu 59 im Flugzaisch. 40 Passaschiere vum Flug UA 93 sinn in de Nah vun Shanksville baim Abschdurz geschdorwe.
De Osama bin-Laden vun de islamisdische Terrorgrubb Al-Quaida hot 17 Lait losgeschickt, um Flugzaisch zu entfuhre unn gege Machdzentre vum Faind Amerika zu schdaiere. Dodezu hawwe se die Besadzunge vun de Flugzaisch midd Debbischmessa bedrohd unn des Schdaier iwwernumme, außa baim Flug UA 93, wo sisch die Passaschiere wehre. Des Kerosin vun de Flugzaisch in de Term hot sisch entzinded und en haißes Faier is entschdanne (400 °C-600 °C). Des hot de Tragaschdahl zum Schmelze gebrachd unn die Gebaide sinn oigschderzd. De Pentagon-Fliega hot die Wand dorschschdoße unn hot aa en haißes Faier ausgeleesd, an dem soin Raach viele Lait geschdorwe sinn. Nochdem die Lait im Flug UA 93 gemaiderd hewwe, hot de Pilot des Flugzaisch zum Abschdurz gebrachd. Des WTC 7 Schderzd oi, wail es vun brennende Schblidda gedroffe worre iss.
Geschdidzt werd die Version vun de Videobotschafte, die mer in Afghanistan gfunne hot. Do gibt de bin-Laden zu, Flugzaisch entfuhre lasse zu hawwe. Aa hewwe mehrere Lait unner Folda zugewwe, dass do Aaschlag geplant ware.
Prasident
George W. Bush
erklard de "Kriesch gege de Terror"
Noo dam Desasda hodde Busch de ?Kriesch gege de Terror“ erklard. Die Ooschlag henn zur Folge g'habd, dass die
NATO
die Taliban in Afghanistan oogriffe hot, wail die den bin-Laden beherbergt hawwe. Aa dem Saddam Hussein hot mer Verbinnunge zu Al-Quaida nachgsaad, en Grund fer den Irakkriesch. Innepolidisch sinn die Iwwerwachunge vascharfd worre, des FBI hot en greeßere Schbielraum ghabd als vohea.
Die CIA hod in Guantanamo-Bay uf Kuba an Komplex vun Gfangenelacha ufgebaud, wose die Gfangene wieda jedes Raschd feschdghalde un gfoldad han. Die Gfangene sin daals in vaschiedene Schdaade willkialisch geraubd un andfiad worn, es mehrschd, ohne doß mar ihne irschnd abbes hod vorwarfe gekannd. Vadaidischa hanse kaa griehd un aach kaan Prozeß. De Barack Obama hod im Prasidentschaftwahlkampf 2008 versproche, dass er s Lacha Guantanamo-Bay zumacht, awa wechem Widastann aus em Senat un em Kongress hod er s nid durschsetze kinne.
Aach hia sin die Mensche- un Birjaraschde oigschrangd worn, mar hod die Rasderfahndung wieder un die Vorradsdadeschbaicharung nai ingefiad un an Haufe mea Gsedze. Die sin aach jezad, zeh Joa noo dam Gscheje, noch gildisch, sowaid se ned vum Vafassungsgerischd gekibbd wor sin.
- Stefan Aust, Cordt Schnibben (Hrsg.):
11. September 2001. Geschichte eines Terrorangriffs.
Dtv, 2003,
ISBN 3-423-34026-6
.
Commons: Category:September 11 attacks
? Waitere Mulitimediadataie zum Artikel