Farschdbischuf
haaßd mern Bischuf, der wu zuglaisch aach noche Farschd is. Gawwe hods des ner im
"Heilisch Reemisch Reich vun de Deitsch Nadzion"
.
Schun Oddo de Grooße hod sich uf die Kersch als annera "raischunmiddlbari" Inschdiduzion gschdidzd un ihne Macht gawwe, wu ned arblisch waa. Do waa die Arhewung inde Farschdeschdand ner nuch a logisch Folsch.
Schbeeda sin don 1356 die Farschderzbischef vun Maanz, Kolle un Dria aach nuch Kuafarschde worn.
Um 1800 hen mer im Heilisch Reemisch Reich 28 Farschderz- un Bischduma ghabd - koaz denooch dorsch die Fronzeesisch Rewoluzion ner nuch aans: de Kuafarschd/Erzbischuf vun Maanz, Karl Theodor von Dalberg, als de Kuaerzkonzla vum Raich (vun 1806 ach als Farschdbrimas vum Rhoibund) hod fer a paa Yaahr noch soin gaischdlische Schdaad rechiere gekennd, is awwee 1810 aach "sagularisiad" un ins Großharzuchduum Frongfod umgewannld worn, des wu de Daalbarsch noch bis 1813 regiad hod.