E artikulo aki ta skirbi na papiamentu . Lo ta apresia si por mantene e artikulo aki na estilo di papiamentu .

Telecuracao

Fecha di fundashon of kreashon	1960
Pais	Antias Hulandes
Wepsait ofisial	http://www.telecuracao.com/

TeleCuracao (ofisialmente ‘Antilliaanse Televisie Maatschappij’ , abrevia ATM) ta e planta nashonal di televishon di Korsou . E ta e prome stashon di televishon na Antias Hulandes ku a kuminsa opera dia 31 di yuli 1960 . ^[1]

Historia [ edita | edita fuente ]

TeleCuracao a wordu funda dor di e merikano , Gerald Bartell, ku yudansa di gobiernu antiano di e tempu ei. E ta den aire riba kanal 8 for di 1960 . Hopi di e prome programashonnan di e tempu ei na TeleCuracao tabata konsisti di serinan merikano manera Gunsmoke . Banda di esaki e tabata pasa tambe notisia lokal i anunsio komersial di sponsernan lokal. Awendia, TeleCuracao ta ofrese produkshonnan bibu i di studio i un gran variedat di programashon inkluyendo e ultimo notisia lokal i internashonal.

UTS tabata kompania mama di ATM/Telecuracao te su benta na Liberty Latin America na 2020. Aktualmente ATM/Telecuracao ta kai bou di Curacao Data & Television NV., di kual John Loefstop ta direktor. ^[2]

Mira tambe [ edita | edita fuente ]

• Telearuba