Di Wikipedia, e ensiklopedia liber
Neverland Ranch
Neverland Ranch
of
Neverland Valley Ranch
ta un propiedat ku tabata pertenese na
Michael Jackson
. E tabatin un grandura di 1.100 hektar i ta situa na Figueroa Mountain Road 5225 na Los Olivos den Santa Barbara County na
California
. Su nomber ta bini di Neverland, for di e kuenta di
Peter Pan
.
Den ana 1988 Michael Jackson a kumpra e propiedat for di e empresario William Bone pa un suma di entre 16.5 pa 30 mion
doler
. E estado tabata Jackson su kas, komo su pretpark priva i e tabata kontene un oloshi grandi traha di flor, varios estatua di mucha i un parke di bestia chikitu. E pretpark tabata inklui trein: unu di 3 ft (194 mm) yama "Neverland Valley Railroad" i un otro di 2 ft (610 mm) yama
C. P. Huntington
traha pa Chance Rides. Tambe e pretpark tabata kontene un barku di pirata, un montana rosa, outo di dal ranka, slep grandi i un game room E kashi prinsipal tabata kontene un kamber sekreto pa seguridat. Jackson tabata tambe un gran kolekshonista di arte. E estado a wordu uza pa diferente evenemento manera e kasamentu di
Elizabeth Taylor
i Larry Forentsky. Varios biaha Jackson tabata invita muchanan pa bin keda na su estado.
E lastu kos ei a kondusi na varios spekulashon tokante di
abuzu seksual
di mucha. Jordan Chandler, un hoben di diestres ana ku a bishits Neverland na varios okashon, a reklama e rei di pop na 1993 pa abuzu seksual. Jackson a insisti di ta inosente i a resolve e kaso pafo di korte. Na 2003 Jackson a deklara durante di un entrevista ku el a drumi ku un kantidat di mucha den e mesun kamber. Den e dokumentario aki por a mira Gavin Arvizo, un otro hoben ku algun tempu despues a demanda Jackson pa abuzu seksual. E kaso a keda investiga i despues di un kaso kontroversial a deklara Jackson liber di tur dies akusashon.
Den 2005 Jackson a duna di konose di no ke bolbe mas pa Neverland. El a hana ku e 70 agentenan polisial ku a hasi un inval, lo a 'viola' e kas hasiendo esaki. Konsekuentemente e estado no tabata sinti manera kas mas p'e.
Na 2006 a sera e fasilidatnan i gran parti di e empleadonan a keda manda kas. Segun e bosero di Jackson esaki tabata debi ku e no tabata biba einan mas.
Den november 2008 Jackson a bende un akshon di Neverland na un kompania invershonista ku ta opera bou di e nomber
Colony Capital
pa $35 mion. No ta konosi kon grandi e akshon bendi aki ta. Riba 31 di juli 2014 a bira konosi ku e estado ta na benta. E balor a kore entre 35 pa 50 mion doler.
Riba 29 di mei 2015 a bira konosi ku e kompleho a wordu renoba, duna otro nomber i ku e preis di benta e estado ta para na $100 mion. Mayoria fanatiko di Jackson a protesta kontra di esaki i no ta di akuerdo ku e desishon.
Jermaine Jackson
, ruman mas grandi Michael Jackson, a skibi un karta habri pa Colony Capital, den dje demonstrando su desakuerdo ku e desishon i a duna di konose ku e ta den kontakto ku nan.