E articulo of seccion aki no ta referi na ningun fuente di publicacion acredita. Por fabor yuda haci e artikulo aki miho door di anadi fuentenan konfiabel.

Joe"King"Oliver

Pais di nashonalidat	Estadonan Uni di Merka
Nomber di dilanti	Joe
Fam	Oliver
Fecha di nasementu	19 desember 1881
Luga di nasementu	New Orleans
Fecha di fayesimentu	10 aprel 1938
Luga di fayesimentu	Savannah
Modo di muri	kousa natural
Kousa di morto	myocardial infarction
Luga di entiero	Woodlawn Cemetery
Dominio di idioma	Ingles
Periodo activo (inicio)	1908
Grupo etniko	Afro-Merikano
Instrumento	trumpet , cornet
Diskografia	King Oliver discography
Genero	jazz
Seya discografico	Vocalion
Representa pa	Music Corporation of America, Inc.

Joseph Nathan "King" Oliver ( 11 di mei 1885 ? 10 di aprel 1938 ) tabata un musiko i tokado di cornet di jazz i lider di banda merikano . ^[1]

Joseph king Oliver a nase ana 1885 na Aben, Louisiana , e fecha di nasementu no tabata registra, pero den su biografia ta para ku el a nase na un plantashi den besindario di Donaldville (Louisiana). Su mama tabata traha komo kria den kushina di un famia blanku. Despues e mayornan a biba na New Orleans . E tata a bai laga e mama ku e yunan, despues ku e mama a muri Joe su ruman muhe mayor a kuida p'e. Den su hubentut Joe Oliver a haya un aksidente i a perde su wowo robes.Na edat yong Joe a kuminsa toka den un banda ( fanfar ). Na edat 14 ana e tabata toka trombone i cornet den banda, despues ela bai toka den brassband ku Walter Kenehan a forma. Dia e tabatin 15 ana ela kuminsa toka den un banda ku tabata yama "The Boysband". Joe tabata traha ora ku e tabata liber el tabata praktika hopi riba cornet. Dia Joe tabatin 17 ana di edat ela haya un trabou serka un famia blanku,unda e tabata traha komo butler.Ku 20 ana Joe kuminsa bai kabaret.Den distrektnan di lus kora na New Orleans tabatin nightclubs i klupnan di muhenan di bida kaminda hopi musikonan tabata toka. Joe Oliver tabata impreshona dje estilo musika dje tempu ei ku nan tabata toka den klupnan.

Su Karera [ edita | edita fuente ]

Joe Oliver a kuminsa toka na edat yong ku hopi tokado ku tabatin fama e tumpu ei.E tabata respeta tokadonan di cornet manera Manuel Perez i Freddie Keppard.Un pianista bon yama Richard M. Jones tabata gusta e estilo dje tokado yong Joe Oliver.E tabata korda un anochi den dos klup tabatin tokamentu,un dje klupnan tabata toka Freddie Keppard un mihor takado di cornet, e klup tabata yenyen di hende. Den e klup na otro banda di kaya kaminda Richard M.Jones tabata sinta tra'i su piano warda ora pa e kuminsa toka. E mucha homber yong Joe Oliver ku tabata para den porta a bira bini hopi nervioso serka Richard M. Jones Bise, "kue B-flat riba piano,"(Basic Piano Scales in B-Flat (Bb). Joe Oliver ku tabatin su cornet den man a kana bai den porta,hise pone riba su boka i kuminsa supla e tononan di mas bunita ku Richard M. Jones tende den henter su bida komo tokado di piano.Mes ora e hendenan den e klup kaminda Freddie Keppard tabata toka a basha bin na otro banda di kaya pa tende ta ken ta toka cornet binta asina. Mes ora e klup a yena ku hende. Joe kuminsa hari su den mes. Foi e dia ei e klup kaminda Richard M. Jones ku a pidi Joe Oliver pa keda toka, tabata yenyen di hende tur dia.Na ana 1916 Joe Oliver a kuminsa toka den Kid Ory's band,e tempu ei nan tabata e miho tokadonan den New Orleans. Kid Ory tabata orguyoso di manera ku Joe tabata toka,te ku ela kuminsa yame,"King Joe Oliver," te na su morto Joe a keda karga e nomber aki.

Jim Crow Laws [ edita | edita fuente ]

Den e tempu nan ei tabatin lei "Jim Crow Laws" tabata un lei hopi rasial kontra Afro Merikano. ku tabata un lei pa hasi Afro Merikano keda siudadanonan di segunda rango henter nan bida,no den suit so, pero riba henter Merka. Blanku nan tabata hasi abuso i cherche di hende pretu,nan tabata pinta nan kara pretu pa bai balia bula rond den theater manera payaso pa hasi cherche di Afro-Merikanonan pa kibra nan moral. E plan di outoridatnan tabata pa e Jim Crow plama riba henter Merka meskos ku e musika jazz . Nan no a logra, pasobra den suit mes tabatin hopi hende blanku ku tabata impreshona di musika jazz. E blanku ei a kuminsa toka e Dixland Jazz . Asina por mira ku opreshon ta bini bek manera bumeran. Jazz musika a kuminsa plama riba henter Merka i despues riba Oropa i tambe riba henter mundu.

Emigrashon Fo'i Suit [ edita | edita fuente ]

Entre ana 1916 pa 1920 hopi artista i musikantnan Afro-Merikano a bai nort pa un bida mas mihor. Na ana 1918 Joe King Oliver manera e tabata yama den e tempu ei a move pa Chicago i tabata traha manera sideman te 1919,prome ku ela kuminsa toka den banda di lawrence Duke i den banda di e legendario basista Bill Johnson . Joe King Oliver a kasa ku un muhe ku tabata yama Stella ku tabatin un yu muhe di su prome matrimonio.Oliver a tuma e banda di Lawrence Duke ofer te na ana 1921 e tabata toka na diferente nightclubs manera Deluxe Cafe, Pekin Cabaret i Dreamland.Na mesun ana 1921 Joe Oliver a move pa West Coast San Francisco Bay. Na juni 1922 Joe bolbe bek Chicago i lanta su mes banda ku tabata yama Creole Jazz Band ku a haya nan entrada den Lincoln Gardens . Na ana 1923 e banda a yega na un nivel haltu pa bai graba nan prome disko na Cennett label .E banda di Joe King Oliver tabata mihor banda di Chicago den e tempu ei, ora ku otro nightclubs nan sera nan porta,hopi di tokadonan tabata bai Lincoln Gardens pa tende Joe Oliver ku su banda toka.Joe King Oliver tabatin un tokado di trompet yong den su banda.E bon takado hoben aki den Creale Jazz Band tabata niun hende mas ku mihor tokado di trompet di mundu Louis Armstrong ku tabata toka e segunda trompet.E dia nan ei tabata e prome toka nan di Louis Armstrong pafo di New Oleans.Joe King Oliver ku Louis Armstrong a toka te na ana 1924 na Lincoln Gardens,despues nan tabata toka na Cafe Plantage. Louis Armstrong a bisa ku Joe King Oliver tabata mas ku un mentor p'e, e tabata yame Papa Joe.

King Oliver Dixie Syncopators [ edita | edita fuente ]

Na fin di ana 1924 mes e banda a kibra,e otro tokadonan a bai,ta Louis Armstrong ku Lil Hardin so a keda i despues nan tambe a bai. Oliver a forma un banda nobo na ana 1925 ku tabata yama" King Oliver Dixie Syncopators " dos ana nan a toka den Chicago's Plantation . E formashon tabatin Luis Russel (piano),Barney Bigard (klarinet of tenorsax), Joe King Oliver mes (cornet),Bert Cobb (tuba),Bud Scott( banyo),Billy Paige,(alto sax of klarinet) Albert Nicholas,(klarinet) Shoffner Bud (trompet) Paul Barbarin (drum) i Kid Ory( Trombone).Na ana 1927 no tabata bai masha bon ku Joe King Oliver.Ela a haya un toka na York City Savoy Ballroom.E tabata toka tambe den Cotton Club.Joe a graba tambe ku e banda aki na Vocalion Label ,despues nan a bai turne i a toka hopi mes ku e formashon aki.

Krisis di Ekonomia [ edita | edita fuente ]

Na ana 1930 a Kuminsa e prome krisis di ekonomia mundial.Joe King Oliver a perde tur su sennan ora ku sistema Banko Merikano a hundi,despues su salu tambe a kuminsa bai atras.Joe tabatin hopi problema ku su djentenan dor di tokamentu di trompet ,no tabata posibel mas pa e toka.Anto net ela haya un par di toka na New York,pero mundu tabata meimei di e krisis grandi di 1930.Joe King Oliver tabata henteramente bankrut ela perde tur su sennan.Joe King Oliver a move pa Savannah (Georgia) e tabata biba den un kas di kuido,tin ora e tabata kohe un job,pero no tabata yude net nada.Joe King Oliver un musikante legendario ku a pone un bunita estilo di jazz ku hopi tokado nan grandi a kue estilo aki ku Joe trese den mundu di jazz ku su mes ritmo, te awendia su hit nan grandi ta sona bunita. Trompetista i kompositor i un lider di banda hopi konosi den su estilo di toka,e tabata usa un demper pa duna un otro sonido na e trompet.El a kompone hopi musik manera "Dippermouth Blues ","Sweet Like This" i "Doctor Blues" i Joe Oliver tabata mentor di Louis Armstrong i su influensia riba Louis tabata grandi ku Louis a bisa "ku Joe Oliver no a eksisti awendia no lo tabatin e estilo Jazz aki"Foi ana 1908-'17, Joe kuminsa toka ku brass bands i fanfarnan dje tempu ei manera, The Olympia,The Onward,The Magnolia i The Eagle.Na ana 1910 ela kuminsa toka den The Original Superior Orchestra,despues Joe tabatin su mes banda.prome ku ela move pa Chicago aya e tabata lider di un banda ku a bira famoso den mundu. Prome Joe Oliver tabata toka trombon,despues ela kambia trombon pa cornet.

Fayesementu [ edita | edita fuente ]

Oliver a muri mes pober ku el a nase, sin fondo pa su kuido mediko. Na ana 1938 ela haya un derame serebral (hersenbloeding) i a muri na Savannah, Georgia. Oliver a hiba jazz fo'i New Orleans na Chicago, California, New York i despues e estilo di jazz aki plama riba Oropa di ana 1930 i '40 i tambe riba henter mundu. Oliver mes a komposita hopi dje musiknan.